ஜனாதிபதி மைத்திரிபால சிறிசேன ஐக்கிய நாடுகள் மாநாடொன்றில் கலந்து கொள்வதற்காக இன்று ஞாயிற்றுக்கிழமை பிரான்ஸ் செல்லவுள்ளார்.

மோல்ட்டாவில் இடம்பெறும் பொதுநலவாய அரச தலைவர்களின் மாநாட்டில் கலந்துகொண்டுள்ள அவர், அங்கிருந்து நேரடியாக இன்றைய தினம் பிரான்ஸூக்கு செல்லவுள்ளதாக ஜனாதிபதியின் ஊடகப் பிரிவு அறிவித்துள்ளது.

ஐக்கிய நாடுகள் சபையின் காலநிலை மாற்றம் தொடர்பிலான மாநாடு, நாளை திங்கட்கிழமை பிரான்ஸ் தலைநகர் பாரிஸில் நடைபெறவுள்ளது. அதில் கலந்துகொள்வதற்காகவே ஜனாதிபதி மைத்திரிபால சிறிசேன அங்கு செல்லவுள்ளார்.