வவுனியா தடுப்பு முகாங்களில் உள்ள இளைஞர்களிடையே கோஷ்டி மோதல்களை ஏற்படுத்தி அவர்களை சண்டையிட வைக்கும் புதிய தந்திர நடவடிக்கைகளை இலங்கைப் படையினர் மேற்கொண்டு வருவதாக செய்திகள் வெளியாகி உள்ளது.முகாங்களில் உள்ள இளைஞர்களை குடிபோதைக்கும், ஆபாச போதைக்கும், கோஷ்டி சண்டையிலும் ஈடுபடுத்தி அவற்றை இலங்கைப் படையினர் ஊக்குவித்து வருகின்றனர்.
இளைஞர்களுக்கு மது குடிக்கப்பழக்குவது, ஆபாசப்படங்களைப் பார்க்க வழிவகை செய்து கொடுப்பது மற்றும் இளைஞர் குழுக்களை உருவாக்கி அவர்களிடையே மோதல்களை உருவாக்கி கைகலப்பில் ஈடுபடுத்தும் நடவடிக்கைகள் மேலோங்கி வருவதாக அண்மையில் முகாமிலிருந்து வெளியேறிய இளைஞர்கள் பலர் தெரிவித்துள்ளனர்.
இளைஞர் குழுக்களிடையே ஏற்படும் மோதல்களால் மண்டை, கைகள், கால்கள் உடைக்கப்பட்டு மருத்துவமனைக்கு கொண்டு செல்லப்படும் சம்பவங்கள் அதிகரித்து வருவதாகவும் அவர்கள் மேலும் கூறியதாக செய்திகள் தெரிவிக்கின்றன.
0 Responses to முகாம்களில் உள்ள தமிழ் இளைஞர்களை மோதவிடும் சிறிலங்கா இராணுவம்