திசைக்காட்டியைப் போல அதிமுக தொண்டர்கள் உழைக்க வேண்டும் என்று தேர்தல் நேர கடைசி நேர அறிவுரையாக தொண்டர்களுக்கு ஜெயலலிதா கடிதம் எழுதியுள்ளார்.

நாளை மாலையோடு தேர்தல் பிரச்சாரம் முடிவடைய உள்ள நிலையில், திமுகவும், அதிமுகவும் போட்டிப்போட்டுக் கொண்டு பிரகுச்சாரக் களத்தில் இறங்கி உள்ளன. கடந்த இரு தினங்களுக்கு முன்னர் ஜெயலலிதா சென்னையின் அனைத்துப் பகுதிகளுக்கும் சென்று வாகனத்தில் இருந்தபடியே கடைசிக்கட்ட பிரச்சாரம் மேற்கொண்டார். திமுக தலைவர் கருணாநிதி திருவாரூரில் பிரச்சாரம் மேற்கொண்டு இன்று சென்னை திரும்புகிறார்.

ஸ்டாலின், நேற்றும் இன்றும் நடைப்பயணம் சென்று சென்னை முழுக்க மக்களிடம்திமுகவுக்கு வாக்கு கேட்டு வருகிறார். இந்நிலையில் கடைசி அஸ்திரமாக தமிழக முதல்வர் ஜெயலலிதா, தொண்டர்களுக்குக் கடிதம் எழுதியுள்ளார். அந்தக் கடிதத்தில் தொண்டர்கள் திசைககாட்டி போல தேர்தல் பணிகளை மேற்கொள்ள வேண்டும் என்று கோரிக்கை வைத்துள்ளார். அதிமுகவின் சாதனைகளை இந்திய மாநிலங்கள் பின்பற்றத் துடிக்கின்றன என்றும், அதிமுக ஆட்சியில்தான் சிறு,குறு தொழில்கள் முன்னேற்றம் அடைந்தன என்றும், ஒன்றரை கோடி பேர்களுக்கு வேலை வாய்ப்பு அளிக்கப்பட்டது என்றும், அதிமுகவின் வெற்றிக்கு தொண்டர்கள் அரும்பாடுபட வேண்டும் என்றும் கடிதத்தில் ஜெயலலிதா தெரிவித்துள்ளார்.