இந்தியாவில் அமைய இருக்கும் புதிய அரசாங்கம் இலங்கைக்கு எதிரான தீர்மானத்தை நிறைவேற்றும் என தமிழக முதலமைச்சர் செல்வி ஜெயலலிதா தெரிவித்துள்ளார்.

போர்க் குற்றச் செயல்கள் தொடர்பில் நடவடிக்கை எடுக்குமாறு வலியுறுத்தி இந்தியாவின் புதிய அரசாங்கம் ஐக்கிய நாடுகள் மனித உரிமைப் பேரவையில் தீர்மானம் நிறைவேற்றும் அவர் என சுட்டிக்காட்டியுள்ளார்.

அதேநேரம் இனச்சுத்திகரிப்பில் ஈடுபட்டவர்களுக்கு எதிராக தண்டனை விதிக்க நடவடிக்கை எடுக்கப்படும் என அவர் கூறியுள்ளார்.

புதிய அரசாங்கத்தின் ஆட்சி அமைக்கப்பட்ட பின்னர் தமிழக மீனவர்கள் எந்தவிதமான பிரச்சினையும் இன்றி தமது வாழ்வாதாரத்தை முன்னெடுக்க முடியும் என அவர் நம்பிக்கை வெளியிட்டுள்ளார்.