பதுளை மாவட்டத்தில் கொஸ்லாந்த மீரியபெத்தைப் பகுதியில் இன்று புதன்கிழமை காலை ஏற்பட்ட பாரிய மண்சரிவு காரணமாக 200 ஏக்கர் பரப்பளவிலான மக்கள் குடியிருப்புக்கள் முற்றுமுழுதாக மண்ணுக்குள் புதையுண்டுள்ளது.

இந்த மண் சரிவிலுள் 300க்கும் அதிகமான மக்கள் சிக்குண்டிருக்கலாம் என்று தெரிவிக்கப்படுகின்றது. இதுவரை 14 பேரின் சடலங்கள் மீட்கப்பட்டுள்ளன.

மீட்புப் பணிகளைத் துரிதப்படுத்துமாறு ஜனாதிபதி மஹிந்த ராஜபக்ஷ சம்பந்தப்பட்ட அதிகாரிகளுக்கு பணித்துள்ளார். இதனிடையே, மீட்புப் பணியில் 500க்கும் அதிகமான இராணுவத்தினர் ஈடுபட்டுள்ளனர்.