கிராமத்தில் பிறந்தவன் என்ற வகையில் கொழும்பில் இருப்பவர்களைப் போலன்றி கிராம மக்கள் மீதும் கிராமங்களின் முன்னேற்றத்திலும் தனக்கு அதிக அக்கறையுண்டு என ஜனாதிபதி மஹிந்த ராஜபக்ஷ தெரிவித்துள்ளார்.

அதற்கிணங்கவே கிராமப்புறங்களை அபிவிருத்தி செய்வதில் அதிக கவனம் செலுத்தி வருவதாகவும், கிராமப்புற மாணவர்கள் உலகளவில் சாதனை படைக்க வேண்டுமென்பதே தனதும், தமது அரசாங்கத்தினதும் எதிர்பார்ப்பாகும் என்றும் அவர் குறிப்பிட்டுள்ளார்.

யாழ்ப்பாணம் நெடுந்தீவிற்கு நேற்று செவ்வாய்க்கிழமை விஜயம் செய்த ஜனாதிபதி மஹிந்த ராஜபக்ஷ நெடுந்தீவு மகா வித்தியாலயத்திற்கான மஹிந்தோதய ஆய்வுகூடத்தினை திறந்துவைத்து உரையாற்றுகையிலேயே மேற்கண்டவாறு கூறியுள்ளார்.