அதிகாரத்தில் அமரச்செய்த மக்களை பலப்படுத்துவதற்காகவே அதிகாரம் பயன்படுத்தப்பட வேண்டும் என்று ஜனாதிபதி மைத்திரிபால சிறிசேன தெரிவித்துள்ளார்.

மக்கள் வழங்கும் தனது அதிகாரத்தைப் பலப்படுத்துவதற்காகவும், மற்றவர்களின் அதிகாரத்தை இல்லாதொழிப்பதற்காகவும் அதிகாரத்தை பயன்படுத்தும் அரசியல்வாதிகளிடையே ஒருபோதும் தனது அதிகாரத்தை முறைகேடாக பயன்படுத்தாத லலித் அத்துலத்முதலி போன்றோர் முன்மாதிரியாக திகழ்ந்தனரெனவும் ஜனாதிபதி குறிப்பிட்டுள்ளார்.

கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் நேற்று முன்தினம் திங்கட்கிழமை இடம்பெற்ற காலஞ்சென்ற முன்னாள் அமைச்சர் லலித் அத்துலத்முதலியின் நினைவுதின வைபவத்தில் கலந்து கொண்டு உரையாற்றியபோதே ஜனாதிபதி மைத்திரிபால சிறிசேன மேற்கண்டவாறு கூறியுள்ளார்.