மலேசியாவில் கடந்த 19ம் திகதி தமிழீழ தேசிய மாவீரர் நாள் நிகழ்வுகள் இடம்பெற்றன.

பேராக் மாநிலத்தில் உள்ள பேருஆஸ் எனும் இடத்தில் இடம்பெற்ற நிகழ்வில் நூற்றுக் கணக்கான மக்கள் கலந்துகொண்டிருந்தார்கள்.

படங்கள் இணைப்பு

கடந்த ஞாயிற்றுகிழமை அமெரிக்காவில் உள்ள நியூ ஜெர்சி (New Jersey) மாநிலத்தில் தமிழீழ தேசிய மாவீரர் நாள் நிகழ்வு நடைபெற்றது.

முதலில் அமெரிக்க தேசியக் கொடியும், தமிழீழ தேசியக் கொடியும் ஏற்றிவைக்கப்பட்டது. இதனை அடுத்து மக்கள் நீண்டவரிசையில் காத்திருந்து மலர்கொண்டு மாவீரர்களுக்கு தமது அஞ்சலிகளைச் செலுத்தினர்.

பின்னர் மருத்துவர் எலீன் ஷாண்டர், மருத்துவர் சோம இளங்கோவன், மருத்துவர் தயாபரன் ஆகியோர் உரையாற்றினர். இம்முறை அமெரிக்காவின் பல மாநிலங்களில் குறிப்பாக நியூயார்க் (New York), போஸ்டன் (Boston), ஓஹையோ (Ohio), கலிபோர்னியா (California), ப்ளோரிடாவில் (Florida) மாவீரர்நாள் நிகழ்வு நடைபெற்றது.

எம் சந்ததியின் வாழ்வுக்காக தம்மை ஈந்த மாவீரர்களுக்கு மதிப்பளித்து அவர்கள் நினைவுகளுடனும் கனவுகளுடனும் எமது இளையவர்களின் தமிழ் மொழித்திறன் கலைத்திறன் ஆற்றல்களை மேம்படுத்தும் நோக்கோடு பிரான்சு தமிழர் கலைபண்பாட்டுக்கழகம் இவ்வாண்டும் பேச்சுத்திறன், பாட்டுத்திறன், ஓவியத்திறன், தனிநடிப்பு, ஆகிய கலைத்திறன் போட்டிகளை சிறப்பான முறையில் நடாத்தியது.

மிகவும் ஆர்வத்துடனும் மிகவும் திறமையாகவும் அனைத்து போட்டியாளர்களும் கலந்து கொண்டனர். தகுதி வாய்ந்த நடுவர்களால் போட்டிகள் நடுவுநிலைமை வகிக்கப்பட்டு வெற்றியாளர்கள் தேர்வு செய்யப்பட்டனர்.

குறிப்பாக பேச்சு, பாடல் திறன் போட்டிகளில் கலந்துகொண்ட போட்டியாளர்களின் மொழி வளமும் மொழிப்பற்றும் வருகை தந்திருந்தோரை உடல் சிர்க்கவைத்தது மேலும் தனி நடிப்புத்திறனில் அவர்கள் எடுத்துக்கொண்ட கதைக்கருவும் சிறுவர்களின் நடிப்பும் அனைவரது கண்களிலும் கண்ணீர் சிந்த வைத்ததோடு சிந்திக்கவும் தூண்டியது.

போட்டியில் கலந்துகொண்ட அனைவருக்கும் மாவீரர் நினைவுப்பரிசில்கள் வழங்கி மதிப்பளிக்கப்பட்டது. போட்டிகளில் பங்குபற்றி வெற்றி பெற்றவர்களுக்கு மாவீரர் நாளன்று சினைவுப்பரிசும் சான்றிதளும் வழங்கி மதிப்பளிக்கப்பட்டது. வெற்றியீட்டியவர்கள் மாவீரர் நாள் மேடையில் தமது படைப்புக்களை வழங்கியிருந்தனர்.

தோகா கத்தரில், நாம் தமிழர் இயக்கத்தினர் மாவீரர் நாளை எழுச்சியுடன் நினைவுகூர்ந்தனர். இம்முறை மாவீரர்நாள் தமிழர் வாழும் இடங்கள் அனைத்திலும் மிகச்சிறப்பாக என்றுமில்லாதவாறு நடைபெற்றுள்ளமை குறிப்பிடத்தக்கது.





நன்றி: சங்கதி

அமெரிக்கா, நியூயோர்க்கில் பலநூற்றுக்கணக்கான மக்கள் தேசிய நினைவெழுச்சி நாளை எழுச்சியுடன் நினைவு கூர்ந்தனர். கடந்த ஞாயிற்றுக்கிழமை (29.11.2009) அன்று மாலை 5.30 மணியளவில் மாவீரர் நாள் நிகழ்வுகள் ஆரம்பமானது.

இந்நிகழ்வில் உருத்திரகுமாரன் ஆற்றிய உரை. காணொளி இணைக்கப்பட்டுள்ளது

தமிழ்நாடு, சென்னை உயர்நீதிமன்றத்தில் வழக்கறிஞர் சேசுபாலன் மற்றும் நண்பர்கள் இணைந்து மாவீரர்நாளை நினைவுகூர்ந்தனர்.

சிறீலங்கா சிங்கள இராணுவத்தால் இனப்படுகொலை செய்யப்பட்ட அப்பாவி மக்களின் புகைப்படப் பதிவுகளை தமிழக மக்கள் பார்வைக்கு வைக்கப்பட்டு எழுச்சியாக நினுவுகூரப்பட்டது.

தமிழ்நாடு, தியாகராயர் நகரில் மாவீரர்நாள் கடந்த 27.11.2009 அன்று மாலை கண்ணாம்மா பேட்டையில் உள்ள யாழ் இல்லத்தில் ஏழுச்சியாக பெரியார் திராவிடர்கழகம் மற்றும் பல அறிஞர் பெருமக்கள் இணைந்து நினைவுகூரப்பட்டது.





நன்றி: சங்கதி

அமெரிக்கா, நியூயோர்க்கில் பலநூற்றுக்கணக்கான மக்கள் தேசிய நினைவெழுச்சி நாளை எழுச்சியுடன் நினைவுகூர்ந்தனர்.

கடந்த ஞாயிற்றுக்கிழமை 29.11.2009 அன்று அமெரிக்கா, நியுயோர்க்கில் விடுதலை வேள்வியில் ஆகுதியாகிய மாவீரர்கள், பொதுமக்களை நெஞ்சிலே நிறுத்தி மாதிரி நினைவாலயத்தில் பூக்களைத் தூவி தங்கள் வணக்கத்தை தெரிவித்துக்கொண்டனர்.

இந்நிகழ்வில் பலநூற்றுக்கணக்கான மக்கள் கலந்து கொண்டதுடன், எழுச்சிநிகழ்வுகளும் இடம்பெற்றமை குறிப்பிடத்தக்கது.