10.10.10 அன்று வடசென்னை மாவட்ட நாம் தமிழர் கட்சியின் சார்பில் தமிழர் வாழ்வுரிமை பொதுகூட்டம் நடைபெற்றது. இக்கூட்டத்திற்கு நாம் தமிழர் கட்சியின் வடசென்னை மாவட்ட பொறுப்பாளர் அமுதா நம்பி அவர்கள் தலைமை வகித்தார். சுந்தரவள்ளி அவர்கள் வரவேற்புரை வழங்க, தமிழ் முழக்கம் சாகுல் அமீது. அன்பு தென்னரசு, பேராசிரியர் கல்யாணசுந்தரம், பாலமுரளி வர்மன், மீனவர் சங்க தலைவர் மகேஷ், இயக்குனர் புகழேந்தி தங்கராசு, மத்திய சென்னை மாவட்ட பொறுப்பாளர் அதியமான், தென் சென்னை மாவட்ட பொறுப்பாளர் தங்கராசு ஆகியோர் சிறப்புரை ஆற்றினார்கள்.

மீனவர் சங்க தலைவர் மகேஷ் அவர்கள் பேசும்போது தமிழக மீனவர்களின் நலனுக்காக குரல் கொடுத்த செந்தமிழன் சீமான் அவர்கள் கைது செய்யப்பட்டதற்கு கண்டனம் தெரிவித்தார்.மேலும் சீமான் அவர்கள் பேசியதில் எந்த தவறும் இல்லை எனவும்,செந்தமிழன் சீமான் அவர்கள் பேசியது போலத்தான் தமிழக மீனவர்களின் மனநிலையும் தற்போது இருக்கிறது ,ஆகவே மீனவர்கள் அனைவரையும் கைது செய்ய அரசு தயாரா? என்று கேள்வி எழுப்பினார்.

பேராசிரியர் கல்யாணசுந்தரம் அவர்கள் பேசும்போது தமிழகத்தில்; வரும் தேர்தலில் காங்கிரஸ் கட்சியுடன் கூட்டணி வைக்கும் கட்சிகள் தோற்கடிக்கப்படும் என்று தெரிவித்தார்.தமிழ் முழக்கம் சாகுல் அமீது அவர்கள் பேசும்போது தமிழகத்தில் இருக்கும் திராவிட கட்சிகள் அனைத்தும் மக்களை ஏமாற்றி வருகிறது எனவும் எனவே தமிழர்களாகிய நாம் அனைவரும் நாம் தமிழர் கட்சியில் இணைய வேண்டும் என்று தெரிவித்தார்.

இறுதியாக முத்தழகி அவர்கள் நன்றியுரை வழங்க கூட்டம் இனிதே நிறைவடைந்தது.இப்பொதுக்கூட்டத்தில் ஏராளமான நாம் தமிழர் கட்சியினரும், பெருந்திரளான பொதுமக்களும் மற்றும் பெண்கள் அதிகளவில் பங்கேற்றனர் என்பது குறிப்பிடத்தக்கது.


மேலும் எமது தளங்கள்:

ஈழத்து காணொளிகள்

ஆய்வுகள், கட்டுரைகள்