வணக்க நிகழ்வு மாலை 6 மணிக்கு ஆரம்பிக்கப்பட்டது. மாவீரர் பிரிகேடியர் தமிழ்ச்செல்வன் அவர்களுக்கும், அவருடன் உயிர்நீத்த ஏனைய மாவீரர்களுக்கும் மற்றும் கேணல் பரிதி அவர்களுக்கும் ஈகைச்சுடர் ஏற்றப்பட்டன ..அதனைத்தொடர்ந்து இம் மாவீரர்களுக்கு மக்களால் மலர் மற்றும் சுடர் வணக்கம் செலுத்தப்பட்டு , சிறுவர்களால் கவிதைகள் பாடப்பட்டன .
தமிழீழ விடுதலைப் போராட்டத்தில் உன்னத அர்ப்பணிப்பு செய்த மாவீர்களை நெஞ்சில் நிறுத்தி பிரிகேடியர் தமிழ்ச்செல்வன் மற்றும் கேணல் பரிதி அவர்களின் நினைவுப் பதிவுகள் காணொளி ஊடாக திரையில் காண்பிக்கப்பட்டன . திரையில் காண்பிக்கப்பட்ட நினைவு பதிவுகளை பார்வையிட்ட மக்கள் ஆழ்ந்த சோகத்தில் கண்ணீர் வடித்தனர் .
தொடர்ந்து தமிழர் ஒருங்கிணைப்பு குழு யேர்மனி செயற்பாட்டாளர்கள் சிங்கள நயவஞ்சக செயலை கடுமையாக கண்டித்ததோடு கேணல் பரிதி அவர்களின் வீரச்சாவு எமக்கு சொல்லும் ஆழமான செய்தி என்ன என்ற வகையில் தமது கருத்துக்களை வெளிப்படுத்தினார்கள் .
இறுதியில் எத்தடை வரினும் எமது தாயக விடுதலை போராட்டத்தை தளராத துணிவோடு தமிழீழம் மலரும் வரை தாங்கிச் செல்வோம் என உறுதி எடுத்து தமிழரின் தாகம் தமிழீழத் தாயகம் என்னும் தாரக மந்திரத்தை அனைவரும் ஓங்கி ஒலித்து உணர்வு பூர்வமாக நிகழ்வு நிறைவடைந்தது.
நன்றி
தமிழர் ஒருங்கிணைப்புக் குழு - யேர்மனி
0 Responses to யேர்மனியில் நடைபெற்ற பிரிகேடியர் தமிழ்ச்செல்வன் மற்றும் கேணல் பரிதி அவர்களின் வீரவணக்க நிகழ்வு