திமுக தலைவர் கருணாநிதியை அவரது இல்லத்தில் நேரில் சந்தித்து நடிகர் ரஜினிகாந்த் பிறந்தநாள் வாழ்த்துக்கள் கூறியுள்ளார்.

கடந்த ஜூன் 3ம் திகதி  91வது பிறந்த தினத்தை கருணாநிதி கொண்டாடியிருந்தார். கலைஞர் பிறந்த தினமன்று ஐதராபாத்திலிருந்ததால், வாழ்த்துக்கள் கூற முடியவில்லை. ஆகவே இன்று  வாழ்த்துக்களை கூறியதாக ரஜினிகாந்த் கூறியுள்ளார். மேலும் கோச்சடையான் படத்தைப் பார்க்க வேண்டும் என கருணாநிதியை வலியுறுத்தியதாகவும் அவர் கூறியுள்ளார்.

கருணாநிதியின் பிறந்த தினத்தை முன்னிட்டு 14, 48, 683 பேர் குறுஞ்செய்தி வாயிலாகவும், முகநூல், டுவிட்டர் மற்றும் இணையத்தளத்தின் வாயிலாகவும் வாழ்த்துக்களை தெரிவித்துள்ளனர்.