இறுதி மோதல்களில் இடம்பெற்ற போர்க்குற்றங்கள் தொடர்பிலான விசாரணைகளை துரிதப்படுத்துமாறு சர்வதேச சமூகத்திடம் வேண்டுகோள் விடுத்துள்ளதாக தமிழ்த் தேசியக் கூட்டமைப்பின் செயலாளர் மாவை சேனாதிராஜா தெரிவித்துள்ளார்.

போர்க்குற்ற விசாரணையின் அடிப்படையில் தமிழ் மக்களின் இனப்பிரச்சினை தொடர்பான விடயங்களும் உள்ளடங்கியுள்ளதால் நாம் பலமாக இருந்தாலே விசாரணைகளை மேலும் விரைவுபடுத்த முடியும் என்றும் அவர் குறிப்பிட்டுள்ளார்.

இதற்கு மக்களின் வாக்கு பலம் அதிகம் எமக்குத் தேவை. தமிழரின் கொள்கைகள், இலட்சியத்தை தோற்கடிக்க நினைப்போருக்கு இந்த பாராளுமன்றத் தேர்தல் மூலம் பாடம் படிப்பிக்கவேண்டும் என்றும் அவர் மேலும் கூறியுள்ளார்.