'பனையோலையும் எழுத்தாணியும் ஒன்றாய் இணையும் நல்லிணக்கப் பயணம்' எனும் தலைப்பில் தெற்கு ஊடகவியலாளர்களையும், வடக்கு ஊடகவியலாளர்களையும் இணைக்கும் நல்லிணக்கப் பயணம் இன்று சனிக்கிழமை காலை ஆரம்பமாகியுள்ளது.

ஊடகத்துறை மற்றும் பாராளுமன்ற விவகார அமைச்சர் கயந்த கருணாதிலக தலைமையிலான ஊடகவியலாளர்கள் குழு கொழும்பிலிருந்து, யாழ்ப்பாணம் நோக்கி ரயிலில் பயணமாகியுள்ளது.

இந்தப் பயணத்தின் போது, தெற்கு ஊடகவியலாளர்களுக்கும், வடக்கு ஊடகவியலாளர்களுக்கும் இடையிலான இடைவெளியை குறைப்பதற்கான கலாசார நிகழ்வுகள், சந்திப்புக்கள் ஏற்பாடு செய்யப்பட்டுள்ளன.

அத்தோடு, யுத்தத்தால் பாதிக்கப்பட்ட மூன்று ஊடகவியலாளர்களுக்கு வீடுகளைக் கட்டிக்கொடுப்பதற்காக அடிக்கல் நடும் நிகழ்வும் இடம்பெறவுள்ளது.