ஈழத்தமிழர் வாழ்வுரிமைக்கான உலகத்தமிழர் மாநாட்டில் கலந்து கொள்ள வந்த இலங்கை எம்.பி.​ சிவாஜி​லிங்​கத்​துக்கு அனு​மதி மறுத்து,​​ அவரை திருப்பி அனுப்​பி​ய இந்திய அரசு, லட்​சக்​க​ணக்​கான அப்​பாவி ஈழத் தமி​ழர்​க​ளைக் கொன்று குவித்து மாபெ​ரும் இனப் படுகொலை நிகழ்த்​திய ராஜ​பக்ஷ,​​ திருப்​ப​திக்கு வந்து சாமி தரி​ச​னம் செய்ய அனு​மதி அளித்​ததிருக்கிறது என்று ம.தி.​மு.க. பொதுச் செயலர் வைகோ. தெரிவித்துள்ளார்.

தஞ்​சா​வூ​ரில் நடை​பெற்ற உல​கத் தமி​ழர் பேர​மைப்​பின் 7-வது ஆண்டு நிறைவு விழா மற்​றும் ஈழத் தமி​ழர் வாழ்​வு​ரி​மைக்​கான உலகத் தமி​ழர் மாநாடு நிறைவு நாள் நிகழ்ச்​சி​யில் பேசுகையிலேயே அவர் மேற்கண்டவாறு கூறினார். அவர் அரங்​கில் மேலும் அவர் பேசியதாவது:-

விடுத​லைக்​கான போர் தோற்​ற​தாக உல​கச் சரித்​தி​ரம் இல்லை.​ ஈழப் போரில் தற்​போது ஏற்​பட்​டுள்​ளது சிறு பின்​ன​டை​வு​தான்.​ தமி​ழர்​களின் வர​லாற்​றில் துன்​ப​மும்,​​ துய​ர​மும்,​​ அழி​வும் முற்றுகையிட்டுள்ள கால​மிது.​

இந்த மாநாட்​டில் கலந்து கொள்ள வந்த இலங்கை எம்.பி.​ சிவாஜிலிங்கத்​துக்கு அனு​மதி மறுத்து,​​ அவரை திருப்பி அனுப்​பி​விட்ட​னர்.​ ஆனால்,​​ லட்​சக்​க​ணக்​கான அப்​பாவி ஈழத் தமி​ழர்​க​ளைக் கொன்று குவித்து மாபெ​ரும் இனப் படு​கொலை நிகழ்த்​திய ராஜ​பக்ஷ,​​ திருப்​ப​திக்கு வந்து சாமி தரி​ச​னம் செய்ய இந்​திய அரசு அனு​மதி அளித்​தது.​

இலங்​கை​யில் தமி​ழர்​க​ளுக்கு நேர்ந்த கொடு​மையை போல வேறு எந்த இனத்​த​வ​ருக்​கும் நேர்ந்​த​தில்லை.​ இந்​தத் தமி​ழி​னப் படுகொலைக்கு இந்​திய அரசு துணைநின்​றது.​ தி.மு.க. அரசு வேடிக்கை பார்த்தது.​

சுதந்​திர இறை​யாண்மை உள்ள,​​ மதச்​சார்ப்​பற்ற தனி ஈழ தேசம் வேண்​டும் என்று 1976-ம் ஆண்டு,​​ வட்​டுக்​கோட்​டை​யில் தந்தை செல்வா தலை​மை​யில் தீர்​மா​னம் நிறை​வேற்​றப்​பட்​டது.​ இந்​தத் தீர்​மா​னத்தை நிறை​வேற்​று​வ​தையே நமது இறுதி இலக்​கா​கக் கொள்ள வேண்​டும்.​ இந்​தத் தீர்​மா​னத்​துக்கு நோர்வே,​​ கனடா நாடு​க​ளில் உள்ள ஈழத்தமி​ழர்​கள் வாக்​கெ​டுப்பு நடத்தி அதற்கு ஏகோபித்த ஆத​ரவு அளித்​த​னர்.​ எனவே,​​ இந்த வாக்​கெ​டுப்​பின் நோக்​கத்தை நிறை​வேற்ற இலங்​கை​யி​டம் ஐ.நா.​ சபை வலி​யு​றுத்த வேண்​டும்.​

ஈழத் தமி​ழர்​க​ளைப் பாது​காக்க தமி​ழ​கத்​தி​லும் இது​போல வாக்கெடுப்பு நடத்த வேண்​டும்.​ இலங்​கை​யில் ஈழத் தமி​ழர்​கள் மீது நிகழ்த்​தப்​பட்ட கொடூர கொலை​கள்,​​ மான​பங்​கம்,​​ கருக்​க​லைப்பு உள்ளிட்​ட​வற்றை தமி​ழக மக்​க​ளி​டம் பிர​சா​ரம் செய்து,​​ தமி​ழீழ விடுதலைக்கு ஆத​ரவு திரட்டப்படவேண்​டும்.​

புது எழுச்​சி​யோடு பிர​பா​க​ரன் மீண்​டும் வரு​வார்.​ முன்​னை​விட அதி​நுட்​ப​மாக ஈழப் போரை அவர் வழி​ந​டத்​து​வார் என்​றார் வைகோ.​

பொது அரங்க நிகழ்ச்​சிக்கு தலைமை வகித்து கவி​ஞர் காசி ஆனந்​தன் பேசி​யதாவது:-

இலங் கை​யில் 20,500 சதுர கி.மீ.​ பரப்​ப​ள​வாக இருந்த தமி​ழர்​க​ளின் வசிப்​பி​டத்​தில்,​​ 7,500 சதுர கி.மீ.​ பரப்​ப​ளவை இலங்கை அரசு தனது கட்​டுப்​பாட்​டில் 1901 இல் சேர்த்​துக் கொண்​டது.​

பின்​னர்,​​ 1948 முதல் இன்று வரை கடந்த 61 ஆண்​டு​க​ளில் மேலும் 7,500 சதுர கி.மீ.​ தமி​ழ​கப் பகு​தி​க​ளில் சிங்​க​ளர்​கள் குடி​யேற்​றம் செய்​யப்​பட்​ட​னர்.​

இலங்கை என்​பது இரண்டு தேசங்​க​ளைக் கொண்ட நாடு.​ அதி​லி​ருந்த தமிழ் தேசம்,​​ வடக்கு-​கிழக்கு தமிழ் மாகா​ணங்​க​ளா​கச் சுருக்​கப்​பட்டு,​​ வெறும் 5,000 சதுர கி.மீ.​ குறைக்​கப்​பட்டு,​​ தமி​ழி​னத்​தின் வாழ்​வு​ரிமை பறிக்​கப்​பட்​டு​விட்​டது.​ இதற்​கான விடு​த​லைப் போரில் ஏற்​பட்ட துயரங்​களை உல​கத் தமி​ழர்​கள் மறந்​து​வி​டக் கூடாது.​ தமி​ழீழ விடுதலைப் போரை இலங்​கையி​லி​ருந்து துடைத்​து​விட முடி​யாது என்​ப​து​தான் அந்த மண்​ணின் வர​லா​றாக இருந்​துள்​ளது என்​றார் காசி ஆனந்​தன்.

நன்றி: ஈழநேஷன்