இன்று காலை 10.30 மணிக்கு Murten எனும் இடத்திலிருந்து Moudon எனும் இடம் வரை 40km தூரத்தை கடந்து அங்கிருந்து மேலதிகமாக 6km தூரம்வரை இளையோர்கள் தளராத மன உறுதியுடன் நடந்து கடந்தனர்.

இளையோர்களின் கால்கள் இன்று மிகவும் பாதிக்கப்பட்டுள்ளது. பாதங்கள் புண்ணாகி கொப்புளங்களும், வீக்கங்களும் ஏற்பட்டுள்ளது. இளையோர்களின் மனோபலமும் தமிழ்த் தேசிய உணர்வும்தான் அவர்களது பலமாக இருக்கிறது.

நேற்று செவ்வாய்க்கிழமை moudon னிலிருந்து Epalinges, Lausanne, Morges, Rolle, Nyon ஆகிய நகரங்கள் ஊடாக நடந்து செல்ல இருப்பதால், அந்தந்த பகுதிகளில் வாழும் மக்கள் இவர்களது மனிதநேய நடை பயணத்தில் தம்மையும் இணைத்துக்கொள்ளுமாறு சுவிஸ் ஈழத்தமிழரவையும் தமிழ் இளையோர் அமைப்பும் அழைப்பு விடுத்துள்ளது.

அத்துடன் குறிப்பிட்ட பிரதேசங்களில் வசிக்கும் மக்கள் எம்முடன் இணைய விரும்பினால் எனும் தொலைபேசி இலக்கம் மூலம் தொடர்புகொள்ளவும்.

· சிறீலங்கா அரசு மீது சுயாதீன போர்க்குற்ற விசாரணை மேற்கொள்ளப்பட வேண்டும்,
· தடுப்பு முகாம்களில் உள்ளவர்கள் விடுதலை செய்யப்பட வேண்டும்,
· மனித உரிமைகள் மதிக்கப்படும்வரை சிறீலங்காவைப் புறக்கணிக்க வேண்டும்

போன்ற கோரிக்கைகளை ஒட்டுமொத்த தமிழ் மக்கள் சார்பாக முன்வைத்து ஜெனீவாவிலுள்ள ஐக்கிய நாடுகள் மனித உரிமைகள் சபை நோக்கி கடந்த ஜூலை மாதம் 23ஆம் நாள் முதல் லண்டனில் இருந்து பரிஸ் நகரம் ஊடாக சிவந்தன் மனிதநேய நடை பயணத்தை மேற்கொண்டு வருகின்றார்.

தற்பொழுது France மற்றும் Swiss எல்லைப் பகுதிகளை இளையோர்கள் அடைந்துள்ளனர்.

எதிர்வரும் 20 ஆம் திகதி காலை 09.00 மணிக்கு இரு முனையிலிருந்து செல்பவர்களும் ஒன்றாகக் கைகோர்த்து ஐநாவை நோக்கி சென்று 20ஆம் திகதி இடம்பெறவுள்ள ஜரோப்பா தழுவிய தேசிய இன எழுட்சி ஒன்றுகூடலில் கலந்துகொள்ளவுள்ளனர்.

அத்துடன் அனைத்து தமிழ் மக்களையும் இவ் வரலாற்று நிகழ்வில் கலந்துகொள்ளுமாறு உங்கள் சுவிஸ் ஈழத்தமிழரவை வேண்டிநிற்கிறது.

சிவந்தனின் கோரிக்கைகள் அடங்கிய துண்டுப்பிரசுரங்களும் தொடர்ந்து விநியோகம் செய்தவாறே இளையோர்கள் செல்கின்றனர்.

இறுதி நிகழ்வுக்கான போக்குவரத்து ஏற்பாடுகள் முன்னெடுக்கப்பட்டுள்ளது. நிகழ்வுக்கு வருபவர்கள் உங்கள் நகரங்களில் உள்ள ஏற்பாட்டாளர்களுடன் தொடர்புகொண்டு உங்களையும் இணைத்துக்கொள்ளுங்கள். ஒட்டுமொத்த தமிழ்மக்களின் அவாவையும் தாங்கி சிவந்தன் முன்னெடுக்கும் இலட்சியப்பயணத்திற்கு அனைத்துத் தமிழ் மக்களும் தமது தார்மீக ஆதரவை வழங்குமாறு கேட்டுக்கொள்கின்றோம்.

தொடர்புகளுக்கு:
079 308 06 69
079 301 59 95
079 928 25 00




மேலும் எமது தளங்கள்:

ஈழத்து காணொளிகள்

ஆய்வுகள், கட்டுரைகள்