மழையினால் பாதிக்கப்பட்டுள்ள பகுதிகளில் மழை நிவாரணப் பணிகளில் திமுகவினர் ஈடுபட திமுக தலைவர் கலைஞர் வேண்டுகோள் விடுத்துள்ளார்.
இதுகுறித்து அவர் வெளியிட்ட அறிக்கையில்,கடந்த சில நாட்களாக தமிழகத்தின் பல்வேறு பகுதிகளிலும் பெருமழை பெய்து ஏழையெளிய, நடுத்தர மக்கள் பெரிதும் பாதிக்கப் பட்டுள்ளார்கள்.
தமிழ்நாட்டில் மழையினால் பாதிக்கப்பட்டுள்ள பகுதிகளில் ஆங்காங்குள்ள கழகத் தோழர்கள், மாவட்டக் கழகங்களின் சார்பிலும், பகுதி, வட்டக் கழகங்களின் சார்பிலும் நேரடியாகச் சென்று நிவாரணப் பணிகளில் உடனடியாக ஈடுபட வேண்டுமென்று கூறியுள்ளார்.
வீடிழந்து தவிக்கின்ற மக்களை பாதுகாப்பான இடங்களுக்கு அழைத்துச் சென்று தங்க வைக்கவும், அவர்களுக்கு உடனடியாகத் தேவைப்படுகின்ற உதவிகளைச் செய்யவும், அரசு அதிகாரிகளோடும், மக்கள் பிரதிநிதிகளோடும் தொடர்பு கொண்டும் அரசின் உதவிகளைப் பெற்றுத் தரவும் தங்களால் முடிந்த அளவிற்கு பணியாற்ற வேண்டுமென்று கூறியுள்ளார்.
0 Responses to மழை நிவாரணப் பணிகளில் திமுகவினர் ஈடுபட வேண்டும்! கலைஞர் வேண்டுகோள்!