தூத்துக்குடி மாவட்டம் செய்துங்கநல்லூரை அடுத்த கிளாக்குளம் கிராமத்தைச்சேர்ந்தவர் சவுந்தரராஜன்.  அவருடைய மனைவி இசக்கியம்மாள். இவர்களுக்கு 2 மகள்கள். மூத்த மகள் புனிதா ( வயது 13).  நாசரேத்தில் உள்ள மகளிர் பள்ளிக்கூடத்தில் 7ம் வகுப்பு படித்து வந்தாள்.  சவுந்தரராஜன் ஒரு ஆண்டுக்கு முன்பு இறந்துவிட்டார்.  எனவே, மகள்களுடன் உள்ளூரில் உள்ள தனது தந்தை வீட்டில் வசித்து வந்தார் இசக்கியம்மாள்.

தாத்தா வீட்டில் இருந்து ரயில் மூலம் பள்ளிக்கு சென்று வந்தாள் புனிதா.  கிளாக்குளத்தில் இருந்து தாதன் குளத்தில் இருக்கும் ரயில் நிலையத்திற்கு அரை கிலோமீட்டர் தூரம் நடந்து செல்ல வேண்டும்.  இந்த வழி காட்டுப்பாதை.  அதனால் மாணவிகள் குழுவாக சேர்ந்துதான் ரயில் நிலையத்திற்கு செல்வார்கள்.

 விசாரணையில், பள்ளிக்கு சென்று கொண்டிருந்த புனிதாவை பாலியல் பலாத்காரம் செய்ய முயற்சித்த போது அவர் சத்தமிட்டதால், துப்பட்டாவால் புனிதாவின் கழுத்தை நெரித்து கொலை செய்தது தெரியவந்துள்ளது. கைது செய்யப்பட்ட சுப்பையா, பெண்களிடம் தவறாக நடப்பதையே வழக்கமாக கொண்டிருந்திருக்கிறான்.

கடந்த டிசம்பர் 1ம் தேதி, தனது தங்கை முறையான, சித்தி தாயம்மாளின் மகள் பூர்ணகலா என்பவரிடம் தவறாக நடக்க முயன்றதாக கைது செய்யப்பட்ட சுப்பையா, ஜாமினில் வெளிவந்து அவர்கள் இருவரையும் அரிவாளால் வெட்டியுள்ளான். இந்த சம்பவம் தொடர்பாக போலீசார் அவனை தேடி வந்த நிலையில், புனிதாவை கொன்று தற்போது போலீசில் சிக்கியுள்ளான்.