கர்நாடகத் தேர்தலில் தோற்றதை போல, பாஜக மக்களவைத் தேர்தலிலும் கண்டிப்பாகத் தோற்கும் என்று, பிரதமர் மன்மோகன் சிங் உறுதிபட கூறியுள்ளார்.

கர்நாடக தேர்தல் வெற்றியை செய்தியாளர்களுடன் பகிர்ந்து கொண்டார் பிரதமர் மன்மோகன் சிங். அப்போது, "கர்நாடகத் தேர்தலில் காங்கிரஸ் பெற்றுள்ள வெற்றி, கட்சி மீது மக்களுக்கு உள்ள நம்பிக்கையை காட்டுகிறது. இந்த வெற்றிக்காக அம்மாநில காங்கிரசாருக்கு வாழ்த்து தெரிவிக்கிறேன். தேர்தல் பிரச்சாரத்தை கட்சியின் துணைத்தலைவர் ராகுல்காந்தி முன்னின்று நடத்தினார். கட்சியின் வெற்றியில் அவருக்கு முக்கியப் பங்கு உண்டு. யார், எப்படி என்பதை நாட்டு மக்கள் நன்றாகவே தெரிந்து வைத்துள்ளனர்.

கர்நாடகாவில் ஆளும் கட்சியாக இருந்த பாஜகவையும் அதன் கொள்கைகளையும் மக்கள் நிராகரித்து விட்டனர். மக்களவைத் தேர்தலிலும் இதேபோன்று பாஜக படுதோல்வியை சந்திக்கும் இது உறுதி! கர்நாடகாவில், நிலையான, முற்போக்கான ஆட்சியை காங்கிரஸ் அமைக்கும்." என்று கூறினார்.