புங்குடுதீவு மாணவி வித்தியா படுகொலை செய்யப்பட்டதை கண்டித்து மட்டக்களப்பு மாவட்டத்தின் பல்வேறு பகுதிகளிலிருந்தும் ஆர்ப்பாட்டங்கள் மற்றும் பேரணிகள் நடைபெற்றுவருகின்றது.

அந்தவகையில் இன்று வெள்ளிக்கிழமை மாவட்டம் தழுவிய பூரண ஹர்த்தாலுக்கு அழைப்பு விடுக்கப்பட்ட நிலையிலும் வந்தாறுமூலை மாணவர்கள் அனைவரும் ஒன்று திரண்டு படுகொலை செய்யப்பட்ட சக மாணவியான வித்தியாவிற்கு நீதி பெற்றுக்கொடுக்க வேண்டுமென வீதியில் இறங்கி ஆர்ப்பாட்டத்தில் ஈடுபட்டனர்.

வித்தியாவிற்கு இழைக்கப்பட்ட கொடூரம் இன்னுமொரு பெண்ணுக்கு வரக்கூடாது, அரசே காடையர்களிடமிருந்து பெண்கள் குலத்தை காப்பாற்று, பால் நிலை சமத்துவத்தைப் பேணுவோம், பெண்கள் உரிமையை உறுதிப்படுத்துவோம். மனித மிருகங்களுக்கு மரணம் வேண்டும், இன்னொரு தவறு வேண்டாம் போன்ற வசனங்கள் பொருந்திய பதாதைகளை ஏந்திய வண்ணம் ஆவேசங்களை கோசங்களாக வெளிப்படுத்தினர்.