நாட்டிலுள்ள அனைத்து சிறார்களுக்கும் கல்வியைப் பெற்றுக் கொடுக்கும் நோக்கில் 13 வருட கட்டாயக்கல்வித் திட்டத்தினை புதிய தேசிய கல்விக் கொள்கையினூடு அறிமுகம் செய்யவிருப்பதாக பிரதமர் ரணில் விக்ரமசிங்க தெரிவித்துள்ளார்.

கல்விப் பொதுத் தராதர சாதாரண தரப் பரீட்சையில் தோல்வியடைந்த மாணவர்களுக்கு உயர்தரத்தில் கல்வி பயிலும் வாய்ப்பு கிடைப்பதில்லை. புதிய கல்வி கொள்கை மூலம் சாதாரண தரத்தில் சித்தியடையாதவர்களும் உயர்தரத்தில் கல்வி பயிலும் வாய்ப்பை ஏற்படுத்திக்கொடுக்கவுள்ளதாக அவர் குறிப்பிட்டுள்ளார்.

பம்பலப்பிட்டி முஸ்லீம் பெண்கள் பாடசாலையில் இடம்பெற்ற பரிசளிப்பு விழாவில் நேற்று திங்கட்கிழமை கலந்து கொண்டு பேசும் போதே பிரதமர் ரணில் விக்ரமசிங்க மேற்கண்டவாறு கூறியுள்ளார்.