தமிழீழப்போரில் உயிர் துறந்த மாவீரர்களை நினைவு கொள்ளும் விதமாக கனடா வாழ் மாணவர்கள் அனைவரும் இணைந்து, இளையோர் மாவீரர் நாளை (நவம்பர் 25ம் நாள் புதன்கிழமை) போற்றவுள்ளனர்.

இந்நிகழ்வில் சீமான் பங்கேற்கிறார். இதற்காக சீமான் கனடா சென்றுள்ளார்.

காலத்தால் அழியாத மாவீரரது நினைவுகளை நெஞ்சில் நிறுத்தி அனைத்து பாடசாலை மற்றும் பல்கலைக்கழக மாணவர் மன்றங்களும் கனடா தமிழ் மாணவர் அமைப்புடன் இணைந்து இவ்நினைவெழுச்சி நிகழ்வினை நடத்தவுள்ளன.

இந் நிகழ்ச்சியின் போது, மாணவர்களினால் தயாரிக்கப்பட்ட நடனங்கள், கவிதைகள், குறும் படங்கள், மாவீரர்களின் தியாகங்களைப் போற்றி பாடல்கள் மற்றும் மாணவர்களின் பேச்சுக்கள் போன்றவை மேடையேறவுள்ளன.