விடுதலைப்புலிகள் அழித்தொழிக்கப்பட்டுவிட்டனர், பிரபாகரன் கொல்லப்பட்டுவிட்டார் என்று கூறும் இலங்கை அரசு, இராணுவத்தில் இப்போது இருக்கும் 2 லட்சம் பேருடன் மேலும் ஒரு லட்சம் பேரைச் சேர்க்க வேண்டியதன் அவசியம் என்ன? என்று கேட்டார் உலகத் தமிழர் பேரமைப்புத் தலைவர் பழ. நெடுமாறன்..தஞ்சாவூரில் ஞாயிற்றுக்கிழமை நடைபெற்ற உலகத் தமிழர் பேரமைப்பு 7 ஆவது ஆண்டு நிறைவு விழா, ஈழத் தமிழர் வாழ்வுரிமைக்கான உலகத் தமிழர் மாநாட்டின் நிறைவாக அவர் பேசுகையில் கூறியதாவது:-
இந் தியாவின் பிரதமராக இந்திரா காந்தியும், தமிழக முதல்வராக எம்.ஜி.ஆரும் இருந்த போது விடுதலைப் புலிகளுக்கு வேண்டுமளவுக்கு உதவிகள் செய்யப்பட்டன. ஈழத் தமிழர்கள் மீது அவர்கள் அக்கறை கொண்டிருந்தனர். ஈழப் போராட்டத்துக்கு எம்.ஜி.ஆர். பேருதவி செய்தார். ஆனால், இவர்கள் மறைவுக்குப் பிறகு சூழல் மாறியது.
தமி ழகத்தில் பிரபாகரனைக் கொல்ல "றோ' அமைப்பு சதித் திட்டம் தீட்டியது. இலங்கையில் தமிழர்களுக்கு தனி நாடு அமைந்தால், இந்தியாவில் பல்வேறு இனவாரியாக தேசியப் பிரிவுகள் ஏற்பட்டுவிடும் என்று அஞ்சிதான், தனி ஈழத்துக்கு இந்தியா எதிர்ப்புத் தெரிவித்தது என்று கருதுகிறேன்.
ஈழப் போருக்காக சாதாரண ஈழத் தமிழன் செய்த தியாகங்களை பிரபாகரனின் குடும்பமும் செய்துள்ளது. அதனால்தான் பிரபாகரனை மாபெரும் தலைவராக அவர்கள் கருதுகின்றனர்.
1980 இல் இலங்கை ராணுவத்தில் 40,000 வீரர்கள்தான் இருந்தனர். ஈழப் போர் உச்சக்கட்டத்தை எட்டிய போது, 2 லட்சம் வீரர்கள் இலங்கை ராணுவத்தில் இருந்தனர். போர் முடிந்த நிலையில், தற்போது மீண்டும் ஒரு லட்சம் வீரர்களை இலங்கை அரசு இராணுவத்தில் சேர்த்துள்ளது.
விடுதலைப் புலிகள் அழித்தொழிக்கப்பட்டுவிட்டனர், பிரபாகரன் கொல்லப்பட்டுவிட்டார் என்றெல்லாம் கூறும் இலங்கை அரசு, தனது இராணுவ பலத்தை மீண்டும் அதிகரிக்கக் காரணம் என்ன?.
பிரபாக ரன் உயிரோடுதான் இருக்கிறார், மீண்டும் விடுதலைப் புலிகள் போர் தொடுப்பார்கள் என்று இலங்கை கருதுகிறது. அதுதான் உண்மையும்கூட.
எதி ரிகளைவிட கொடியவர்கள் துரோகிகள்தான். ஈழப் போரில் தமிழினத் துரோகம் செய்தவர்களை உலகத் தமிழர்கள் அனைவரும் அடையாளம் காண வேண்டும். அவர்களை மறந்துவிடக் கூடாது என்றார் நெடுமாறன்.
விழா வில், உலகப் பெருந்தமிழர் விருது பெற்ற இந்திய கம்யூனிஸ்ட் கட்சியின் தேசிய கட்டுப்பாட்டுக் குழுத் தலைவர் ஆர். நல்லகண்ணு பேசுகையில் கூறியதாவது:-
ஆயிரக்கணக்கான மக்களை கொன்று குவித்த காரணத்துக்காக முசோலினியின் கைகளைப் பற்றிக் குலுக்குவதற்கு மறுத்தவர் நேரு. ஆனால், இன்றைக்கு இந்தியாவில் உள்ள காங்கிரஸ் தலைமை அதற்கு நேர் தலைகீழாக இருக்கிறது.
தமிழகத்தில் உள்ள தமிழர்கள் கோரிக்கை வைப்பதற்கு முன்னதாக, ஈழத்தைச் சேர்ந்த விபலானந்த அடிகள், பாரதிக்கு விழா எடுக்கப் பரிந்துரைந்தார். தமிழினம் மீது தணியாத அக்கறை கொண்டிருந்த ஈழத் தமிழர்கள் இன்று இனப் படுகொலைக்கு ஆளாக்கப்பட்டுள்ளனர்.
ஈழப்பிரச்னையி லும், கச்சத்தீவு பிரச்சனையிலும் இந்திய அரசின் அரசியல் அணுகுமுறைகளை இந்திய கம்யூனிஸ்ட் கட்சி கண்டிக்கிறது. இந்த அணுகுமுறைகள் தமிழக மக்களுக்கு விரோதமானது மட்டுமன்றி, இந்திய இறையாண்மைக்கும் எதிரானது. பிரச்னைக்கு தீர்வு காணத் தவறிய தமிழக அரசையும் இந்திய கம்யூனிஸ்ட் கட்சி கண்டிக்கிறது.
ஈழப் போராட்டம் முடிந்துவிடவில்லை. ஈழப்பிரச்னை தீர இந்திய கம்யூனிஸ்ட் கட்சி இறுதிவரை துணை நிற்கும் என்றார் நல்லகண்ணு.
0 Responses to வி.புலிகள் அழிக்கபட்டுவிட்டார்கள் என்றால் மேலும் ஒரு லட்சம் இராணுவம் எதற்கு? நெடுமாறன்