நெதர்லாந்திலிருந்து இலங்கைக்கு நாடுகடத்தப்பட்ட தமிழ் இளைஞர் ஒருவர் கட்டுநாயக்க விமான நிலையத்தில் வைத்து குற்றப்புலனாய்வு பிரிவினரால் கைது செய்யப்பட்டுள்ளதாக தகவல் வெளியாகியுள்ளது.
பரமநாதன் ஜெதரூசன் எனும் குறித்த தமிழ் இளைஞர் கடந்த ஆகஸ்டு 15ம் திகதி நெதர்லாந்திலிருந்து நாடுகடத்தப்பட்டுள்ளார். எனினும் இலங்கை கட்டுநாயக்க விமான நிலையத்தில் வந்திறங்கியதும் உடனடியாக கைது செய்யப்பட்டு விசாரணை என்ற பெயரில் சிறையில் அடைக்கப்பட்டுள்ளதாகவும், இதுவரை நீதிமன்றத்தில் ஆஜர் படுத்தப்படவில்லை எனவும் தகவல் வெளியாகியுள்ளது.
கடந்த சில மாதங்களுக்கு முன்னர் பிரித்தானியாவிலிருந்து நாடுகடத்தப்பட்ட தமிழர்களும், இலங்கைக்கு வந்து இறங்கியதும், விசாரணை என்ற பெயரில் புலனாய்வுப் பிரிவினரால் அடித்து துன்புறுத்தப்பட்டிருப்பதாக ஆதார புகைப்படங்களுடன் சர்வதேச மனித உரிமைகள் அமைப்புக்கள் அதிருப்தி வெளியிட்டிருந்தது குறிப்பிடத்தக்கது.
இதேவேளை இந்தியாவிலிருந்து சட்டவிரோதமாக ஆஸ்திரேலியாவுக்கு செல்ல முற்பட்ட 12 இலங்கையர்கள் மீளவும் இலங்கைக்கு நாடு கடத்தப்படவிருப்பதாக கேரள காவற்துறையினர் தகவல் வெளியிட்டுள்ளனர்.
0 Responses to நெதர்லாந்திலிருந்து நாடுகடத்தப்பட்ட தமிழ் இளைஞர் கட்டுநாயக்க விமானநிலையத்தில் கைது?