கிரிக்கெட் வீரர் முத்தையா முரளிதரனின் கூற்று குறித்து பதிலளிக்கையிலேயே அவர் மேற்கண்டவாறு தெரிவித்தார்.
அவர் மேலும் கூறுகையில்...
உள்நாட்டிலிருந்தும், வெளிநாட்டிலிருந்தும் எந்தவொரு அரசியல்வாதியும், பொறுப்பு மிக்கவரும் நாட்டின் வடபகுதிக்குச் சென்றால், அப்பகுதி மக்கள் அழுது புலம்பி கோரிக்கைகளை முன் வைத்து அனைவருடைய மனங்களை நெகிழ வைத்து வருகின்றனர். அவர்களின் அவல நிலைக்கு சம்பந்தப்பட்டவர்கள் பதில் கூறியாக வேண்டும்.
இது விடயத்தில் ஆளும் கட்சியினரும் அக்கட்சியுடன் இணைந்தவர்களும் எந்தவொரு கருத்துக்களையும் முன் வைக்காமல் மெளனத்தையே கடைப்பிடித்து வருகின்றனர்.
மேலும், அமைச்சர் டக்ளஸ் தேவானந்தாவோ, பிரதி அமைச்சர் விநாயகமூர்த்தி முரளிதரனோ வடக்கில் காணாமல் போனவர்கள் குறித்து எவ்வித கருத்துக்களையும் கூறாமல் இருக்கின்றனர்.
இந்நிலையில் வடக்கு மக்கள் பொய் கூறுகின்றனர் அங்கு எதுவும் நடக்கவில்லை என்ற ரீதியில் முத்தையா முரளிதரனின் கூற்று அமைந்துள்ளது.
அந்தவகையில் வடக்கு மக்களை அவமதிக்கும் வகையிலும் அவர்களது முன்னெடுப்புக்களை கொச்சைப்படுத்தி அவர்களது நியாயமான கோரிக்கைகளை மழுங்கடிக்கும் படியும் முரளிதரனின் கூற்று அமைந்திருக்கின்றது.
முத்தையா முரளிதரன் மீது மலையகத் தமிழ் மக்கள் மட்டுமன்றி வடக்கு உள்ளிட்ட ஒட்டு மொத்த தமிழ் மக்களும் பெரும் நம்பிக்கையையும் விசுவாசத்தையும் வைத்திருந்தனர்.
அவ்விசுவாசமும் நம்பிக்கையும் தற்போது வீணாகியுள்ளன. குறிப்பாக கூறினால் முத்தையா முரளிதரன் ஒட்டு மொத்த தமிழ் மக்களிலிருந்தும் ஓரம் கட்டப்பட்டுள்ளார்.
பிரித்தானிய பிரதமர் வட பகுதி சென்று உண்மை நிலையினை அறிந்து பாதிக்கப்பட்ட மக்களுக்கு நியாயங்களைப் பெற்றுக்கொடுக்க வேண்டுமென்ற நிலைப்பாட்டிலிருந்தார்.
அந்நிலையில் முத்தையா முரளிதரன் பிரித்தானிய பிரதமர் நேரில் கண்டு வந்த விடயங்களையும் பொய்யெனக் கூறியுள்ளார்
அரசுக்கு வக்காளத்து வாங்கும் முத்தையா முரளிதரன் அரசுடன் இணைந்து தமது முன்னெடுப்புக்களை மேற்கொள்ளும் வகையிலேயே அவரின் கூற்று அமைந்திருப்பதாக ஒட்டு மொத்த தமிழ் மக்களும் கருதி வருகின்றனர்.
இதனை எல்லா வகையிலும் முத்தையா முரளிதரன் இல்லாமல் செய்து விட முடியாது என்றார்.
0 Responses to வடக்கு தமிழ் மக்கள் குறித்து, அரசுக்கு வக்காளத்து வாங்கும் முரளியின் கருத்துக்கு முன்னாள் பா.உ. சென்னன் கண்டனம்