பணபலம், அதிகார பலம் இரண்டையும் தேமுதிக அச்சமின்றி எதிர்கொண்டு டெல்லி  தேர்தலில் போட்டியிட்டது என்று தேமுதிக தலைவர் விஜயகாந்த் கூறியுள்ளார்.

டெல்லியில் நடந்த சட்டபேரவைத் தேர்தலில் தேமுதிகவும் போட்டியிட்டது. இந்த தேர்தல் முடிவுகள் குறித்து கருத்து தெரிவித்துள்ள விஜயகாந்த், டெல்லியில் உள்ள தமிழர்களின் நல்வாழ்வுக்காகவே தேமுதிக அங்கு போட்டியிட்டது என்றும், இதனால் டெல்லி தமிழர்களுக்கு நம்பிக்கையும், பயமின்மையும் வந்துள்ளதாகவும் தெரிவித்துள்ளார். டெல்லியில் பணபலம், அதிகார பலம் இவை இரண்டும் அதிகமாக இருந்த போதிலும் அந்த தேர்தலை அச்சமின்றி தேமுதிக எதிர்கொண்டது என்றும் கூறியுள்ள விஜயகாந்த்,
தேமுதிகவுக்கு வாக்களித்த வாக்களர்களுக்கு நன்றியும் தெரிவித்துள்ளார்.

இத்தேர்தலில் தேமுதிக தேர்தல் வேட்பு மனுக்கான டெபோசிட்டையும் இழக்கும் அளவுக்கு மிக குறைவான வாக்குகளையே பெற்றிருந்தது குறிப்பிடத்தக்கது.