அழகிரியின் ஆதரவாளர்கள் இந்த ஆலோசனைக் கூட்டத்தை நடத்த வேண்டும் என்று வலியுறுத்தியதன் பேரில் இந்த அவசர ஆலோசனைக் கூட்டம் இன்று நடைப்பெறுவதாகத் தெரிய வருகிறது. கூட்டத்தில் அழகிரியின் ஆதரவாளர்கள் ஒட்டுமொத்தமாக குவிந்துள்ளனர். நடக்க இருக்கும் மக்களவைத் தேர்தலில் யாருக்கு வாக்களிப்பது, யாருக்கு ஆதரவாக பிரச்சாரத்தில் ஈடுபடுவது என்பது குறித்தெல்லாம் விவாதித்து முடிவெடுக்க உள்ளனர் என்றும் தகவல வெளியாகியுள்ளது.
அழகிரி டெல்லி சென்றபோது காங்கிரசுக்கு அதரவு அளிப்பதுக் குறித்து எதுவும் பேசப்படவில்லை. இந்நிலையில் பாஜக தலைவர் ராஜ்நாத் சிங், தமக்கு ஆதரவு தர அழகிரியிடம் கோரிக்கை முன்வைத்துள்ளார்.
எனினும் அழகிரி, 'எனக்கு ஒரே தலைவர் கலைஞர் கருணாநிதிதான், நான் எதுவும் தவறு செய்திருந்தால் தலைவரிடம் மன்னிப்புக் கேட்கவும் நான் அஞ்ச மாட்டேன்' என்று தமது ஆதரவாளர்களுடன் கூடிய ஆலோசனை கூட்டத்தில் உணர்வுப் பொங்க பேசியதாகவும் தெரிவிக்கப்படுகிறது. இந்தக் கூட்டத்தில் அழகிரியின் ஆதரவாளரான ரித்தீஷ் கலந்துக் கொண்டார் என்பது குறிப்பிடத் தக்கது.
0 Responses to மதுரையில் முக,அழகிரி தலைமையில் அவரது ஆதரவாளர்கள் அவசரக்கூட்டம்!