காணாமல் போன மலேசிய விமானத்தினது பாகங்கள்(?) காணப்படுகின்ற இடம் என நம்பப்படும் பகுதிக்கு அவுஸ்திரேலிய விமானப்படை விமானம் தேடுதலுக்காக அனுப்பி வைக்கபட்டுள்ளதாக அவுஸ்திரேலிய பிரதமர் டொனி அபோட் பாராளுமன்றத்தில் தெரிவித்துள்ளார்.

மார்ச் 8ம் திகதி காணாமல் போன MH370 விமானத்தின் எந்தவொரு அடையாளங்களும் கண்டுபிடிக்கபடாத நிலையிலையே இத்தகவல் வெளியாகியுள்ளது.செய்மதியில் தென்பட்ட இரு பொருட்களை ஆராய்வதற்கே அவுஸ்திரேலிய விமானபடை விமானம் அனுப்பபட்டுள்ளதாக தெரிவிக்கபடுகிறது.மேற்படி விமானம் அவுஸ்திரேலிய நேரப்படி இன்று வியாழக்கிழமை மாலை அவ்விடத்தை அடையவுள்ளது.

டொனி அபோட் மேற்படி பாகங்களை கண்டுபிடிப்பது கடினமானது என்றும் அவை காணாமல் போன விமானத்தினது தேடுதலுக்கு தொடர்பில்லாமலும் இருக்கலாம் என குறிபிட்டுள்ளார்.மேலும் 3 விமானங்கள் அவ்விடத்துக்கு மேலதிக தேடுதலுக்காக அனுப்பி வைக்கபட்டுளதாகவும் தெரிவித்தார்.