தமிழகத்திலுள்ள திராவிடக் கட்சிகள் உள்பட இந்தியாவிலுள்ள அனைத்துக் கட்சிகளுக்கும் தாய் வீடு காங்கிரஸ் கட்சிதான் என்று குஷ்பு தெரிவித்துள்ளார்.

நடிகை குஷ்பு திராவிட முன்னேற்றக் கழகத்திலிருந்து விலகி அண்மையில் காங்கிரஸ் கட்சியில் இணைந்து கொண்டிருந்தார்.

இந்த நிலையில், விருதுநகரில் நேற்று சனிக்கிழமை நடைபெற்ற பாரதியார் நினைவுதின நிகழ்வில் கலந்து கொண்டு பேசினார். அதன்போதே அவர் மேற்கண்டவாறு தெரிவித்துள்ளார்.

காங்கிரஸ் கட்சி தோற்றாலும் மீண்டு வரும். யானை கீழே விழுந்தால் எழுந்திரிக்க நேரம் அதிகமாகும். ஆனால், பந்தயக் குதிரை. கீழே விழுந்தால் மறு நிமிடமே துள்ளி எழுந்துவிடும். காங்கிரஸ் கட்சி பந்தயக் குதிரை என்று அவர் மேலும் குறிப்பிட்டுள்ளார்.