இலங்கையின் 44வது பிரதம நீதியரசராக கனகசபாபதி ஸ்ரீபவன் சற்றுமுன்னர் (இன்று வெள்ளிக்கிழமை) ஜனாதிபதி மைத்திரிபால சிறிசேன முன்னிலையில் பதவியேற்றுக் கொண்டார்.

43வது பிரதம நீதியரசராக கடமையாற்றிய ஷிராணி பண்டாரநாயக்க நேற்று வியாழக்கிழமை நள்ளிரவோடு தன்னுடைய பதவியிலிருந்து விலகிக் கொண்டார். இதனையடுத்தே, பிரதம நீதியரசராக கனகசபாபதி ஸ்ரீபவன் நியமிக்கப்பட்டுள்ளார்.

இதனிடையே, நீதியரசர் கனகசபாபதி ஸ்ரீபவன் முன்னிலையிலேயே ஜனாதிபதியாக மைத்திரிபால சிறிசேன கடந்த 9ஆம் திகதி பதவியேற்றிருந்தமை சுட்டிக்காட்டத்தக்கது. பிரதம நீதியரசர் ஸ்ரீபவன் யாழ்ப்பாணம் இந்துக் கல்லூரியின் பழைய மாணவராவார்.