தனது பெயருக்கு களங்கம் ஏற்படுத்தியதாகக் தெரிவித்து முன்னாள் ஜனாதிபதி மஹிந்த ராஜபக்ஷ, வெளிவிவகார அமைச்சர் மங்கள சமரவீரவுக்கு எதிராக 100 கோடி ரூபாய்களைக் கோரி மான நஷ்ட வழக்கு தொடர்ந்துள்ளார்.

மஹிந்த ராஜபக்ஷ தனது சட்டத்தரணி அத்துல பிரியதர்ஷன டி சில்வாவின் ஊடாக இந்த மனுவை அனுப்பி வைத்துள்ளார்.

முன்னாள் ஜனாதிபதி மஹிந்த ராஜபக்ஷவிற்கு வெளிநாடுகளில் 18 பில்லியன் அமெரிக்க டொலர் சொத்து இருப்பதாக கொழும்பில் அண்மையில் இடம்பெற்ற ஊடக சந்திப்பொன்றில் மங்கள சமரவீர தகவல் வெளியிட்டிருந்தார்.

இது முற்றிலும் பொய்யான தகவல் என்றும் இதன்மூலம் தனது நற்பெயருக்கு களங்கம் ஏற்பட்டுள்ளதுடன் மனவேதனை அடைந்துள்ளதாகவும் மஹிந்த ராஜபக்ஷவின் மனுவில் தெரிவிக்கப்பட்டுள்ளது.