ஐக்கிய தேசியக் கட்சியின் பாராளுமன்ற உறுப்பினரும், பிரதி அமைச்சருமான பாலித்த தேவப்பெரும மற்றும் ஐக்கிய மக்கள் சுதந்திரக் கூட்டமைப்பின் பாராளுமன்ற உறுப்பினர் பிரசன்ன ரணவீர ஆகியோரது பாராளுமன்ற நடவடிக்கைகளை ஒரு வாரத்துக்கு தடை செய்ய தீர்மானிக்கப்பட்டுள்ளது.

சபாநாயகர் கரு ஜெயசூரிய தலைமையில் பாராளுமன்ற அமர்வு இன்று வியாழக்கிழமை காலை கூடிய போதே இந்த முடிவு எடுக்கப்பட்டுள்ளது. இதன்பிரகாரம், இருவர் மீதான தடையும் நாளை முதல் ஒரு வார காலத்துக்கு அமுலாகின்றது.

நேற்று முன்தினம் செவ்வாய்க்கிழமை பாராளுமன்றத்தில் ஏற்பட்ட அமைதியின்மை, அடிதடி காரணமாகவே இந்த நடவடிக்கை எடுக்கப்பட்டுள்ளது.