தமிழக சட்டப்பேரவைத் தேர்தலுக்கு வேட்பு மனுக்கள் தாக்கல் செய்துள்ளவர்கள் வேட்பு மனுக்களைத் திரும்பப் பெற விரும்பினால், அவர்கள் தங்களது வேட்பு மனுக்களைத் திரும்பப் பெற இன்று கடைசி நாள்.

தமிழகத்தில் சட்டப்பேரவைத் தேர்தல் வருகிற 16ம் திகதி நடைப்பெற உள்ள நிலையில், தேர்தல் பணிகள் மிக மும்முரமாக நடைபெற்று வருகின்றன. இந்நிலையில், வேட்பாளர்கள் தங்களது வேட்பு மனுக்களைத் தாக்கல் செய்யும் பணிகள் முடிவடைந்து உள்ளன. இவர்கள் தங்களது வேட்பு மனுக்களைத் திரும்பப் பெற்றுக்கொள்ள விரும்பினால் இன்று காலை 11 மன்க்குத் துவங்கி 3 மணிக்குள் மனுக்களைத் திரும்பப் பெற்றுக்கொள்ள வேண்டும்.

பின்னர் இன்று மாலை அந்தந்த தொகுதிகளில் போட்டியிடும் வேட்பாளர்களின் இறுதி வேட்பாளர்கள் பட்டியலை தேர்தல் ஆணையம் வெளியிடுகிறது. கடந்த 22ம் திகதி தொடங்கி கடந்த 29ம் திகதியோடு வேட்பு மனுக்கள் தாக்கல் நிறைவடைந்தது என்பதும், மொத்த வேட்பாளர்கள் 7 ஆயிரத்து 156 பேர் தங்களது மனுக்களைத் தாக்கல் செய்துள்ளனர் என்பதும் குறிப்பிடத்தக்கது.