தேர்தல் பிரச்சார கடைசி நாளன்று திமுக தலைவர் கருணாநிதி சென்னை சேப்பகத்தில் அன்று மாலை நடைப்பெறும் பொதுக்கூட்டத்தில் பிரச்சாரம் செய்ய உள்ளார்.

வருகிற 16ம் திகதி தமிழக சட்டப்பேரவைக்குத் தேர்தல் நடக்க உள்ள நிலையில், 14ம் திகதி மாலை 6 மணியுடன் தேர்தல் பிரச்சாரங்கள் முடிவடைகின்றன. அரசியல் மூத்த தலைவரான கருணாநிதி மேடை அமைத்து பிரச்சாரம், வாகன பிரச்சாரம் மேற்கொண்டு வந்தார். இந்நிலையில் இடையில் சில நாட்கள் ஓய்வுக்குப் பின்னர் சென்னையில் 6 மற்றும் 7 திகதிகளில் பிரச்சாரம் மேற்கொள்ள உள்ளார் என்றும், பிரச்சார தினங்களை மேலும் இரண்டு நாட்கள் கூட்டி அறிவித்து, அந்த நாட்களில் சென்னையில் தங்கசாலை உள்ளிட்ட இடங்களில் பிரச்சாரத்தை மேற்கொள்ள உள்ளார் என்றும் திமுக தரப்புத் தகவல்கள் தெரிவிக்கின்றன.

இந்நிலையில் பிரச்சார நாட்களில் 11ம் திகதி தாம் போட்டியிட உள்ள திருவாரூரில் திறந்த வெளி வாகனம் மூலம் பிரச்சாரம் செய்ய உள்ளார் என்று திமுக தலைமை தகவல் வெளியிட்டு உள்ளது.பிரச்சார தினத்தின் கடைசி நாளில் சேப்பாக்கத்தில் கருணாநிதி பிரச்சாரம் செய்து வாக்குச் சேகரிக்க உள்ளார்.