பிரதமர் ரணில் விக்ரமசிங்க வடக்கு மாகாணத்திற்கான மூன்று நாள் பயணத்தை எதிர்வரும் 19ஆம் திகதி மேற்கொள்ளவுள்ளார். இதன்போது, பல்வேறு நிகழ்வுகளிலும் கலந்துரையாடல்களிலும் அவர் கலந்து கொள்ளவுள்ளார்.

எதிர்வரும் 19ஆம் திகதி மன்னார் மாவட்டத்திற்கு வருகை தரும் பிரதமர், அங்கு பல்வேறு தரப்புக்களையும் சந்தித்துக் கலந்துரையாடவுள்ளார்.

20ஆம் மற்றும் 21ஆம் திகதிகளில் யாழ்ப்பாண மாவட்டத்திற்கு வரும் ரணில் விக்ரமசிங்க, யாழ்ப்பாண மாவட்டச் செயலகத்தில் முக்கிய கலந்துரையாடல்களை நடத்தவுள்ளார். அரச அதிகாரிகளுடன் தனியானதொரு கலந்துரையாடல், அரசியல் தரப்பினருடன் தனியானதொரு கலந்துரையாடல் இடம்பெறவுள்ளது.