தமிழக இளைஞர் சங்கம் சார்பில், சிதம்பரத்தில் மாபெரும் பொதுக்கூட்டம் நடைபெற்றது. சங்கத்தின் தலைவர், திரு.கோபிநாத் தலைமையில் நடைபெற்ற இந்தக்கூட்டத்தில், திரு.பழ.நெடுமாறன் அவர்கள், கலந்துகொண்டு தமிழக இளைஞர் சங்கத்தின் கொடியை அறிமுகம் செய்துவைத்து, சிறப்புரை நிகழ்த்தினார்.புலவர் மா.வீரஅரசு நிகழ்ச்சிகளை தொகுத்து வழங்க, திரு.அரணமுறுவல், சூரியதீபன், பிரபா.கல்விமணி உள்ளிட்டோர் கலந்துகொண்டு உரை நிகழ்த்தினார்கள்.
இந்த நிகழ்ச்சி குறித்த வண்ண விளம்பர பதாகைகள், சிதம்பரம் நகர் முழுவதும் வைக்கப்பட்டிருந்தன. சரியாக மாலை 6:00 மணிக்கு பாசறைப்பாணர் தேனிசை செல்லப்பாவின் இசைநிகழ்ச்சியோடு, பொதுக்கூட்டம் தொடங்கியது.
பொதுக்கூட்ட மேடையின் இருபுறமும் பல்லாயிரக்கணக்கான பொதுமக்களும், தமிழின உணர்வாளர்களும், கூடிநின்று நிகழ்ச்சிகளை கேட்டு உணர்ச்சிவசப்பட்டனர் என்பது குறிப்பிடத்தக்கது.
0 Responses to தமிழக இளைஞர் சங்கம் சார்பில், சிதம்பரத்தில் மாபெரும் பொதுக்கூட்டம் நடைபெற்றது