அம்பாறை பொத்துவில் பிரதேசத்தில் கருணா குழுவினருக்கும் பிள்ளையான் கோஷ்டிக்கும் இடையில் இடம்பெற்ற மோதலில் மூவர் படுகாயமடைந்துள்ளனர். மூவர் காணமல்போயுள்ளனர். ஜீப் ஒன்று தீக்கிரையாக்கப்பட்டுள்ளது.இந்த சம்பவம் இன்று புதன்கிழமை பிற்பகல் 1 மணியளவில் அம்பாறை பொத்துவில் பிரதேசத்தில் உள்ள சிறிலங்கா சுதந்திர கட்சி அலுவலகத்துக்கு முன்பாக இடம்பெற்றதாக தெரிவிக்கப்படுகிறது.
இன்று மதியம் பிள்ளையான் குழுவை சேர்ந்தவர்கள சிலர் பொத்துவில் பிரதேசத்தில் உள்ள சிறிலங்கா சுதந்திர கட்சி அலுவலகத்தை தாண்டி செல்லும்போது, அவர்கள் மீது கருணா குழுவினர் திடீரென தாக்குதல் தொடுத்துள்ளனர். இதிர் பிள்ளையான் குழுவை சேர்ந்த மூவர் படுகாயமடைந்துள்ளனர். மூவர் காணமல்போயுள்ளனர்.
சம்பவத்தை கேள்வியுற்ற பிள்ளையான் குழுவினர், காணாமல்போன தமது சகாக்களை தேடிக்கண்டுபிடிப்பதற்கு ஜீப் ஒன்றை அனுப்பியதாகவும் அந்த ஜீப் கருணாகுழுவினரால் தாக்கப்பட்டு தீக்கிரையாக்கப்பட்டுள்ளதாகவும் ஜீப் ஓட்டுனரை காணவில்லை என்றும் தெரிவிக்கப்பட்டுள்ளது. இந்த சம்பவம் மாலை 5 மணியளவில் இடம்பெற்றுள்ளது.
தாக்குதலில் காணமல்போன பிள்ளையான் குழுவினர் மூவர் மற்றும் ஜீப் ஓட்டுனர் ஆகியோர் கருணா குழுவினரால் கடத்திச்செல்லப்பட்டிருக்கலாம் என்று செய்திகள் தெரிவிக்கின்றன. அப்பகுதிக்கு சென்ற காவல்துறையினர் விசாரணைகளை மேற்கொண்டுவருதாக தெரிவிக்கப்பட்டுள்ளது.
0 Responses to ஒட்டுக்குழுக்களுக்கிடையில் மோதல் மூவர் படுகாயம்! நால்வரை காணவில்லை! ஜீப் தீக்கிரை!!