கடந்த 2010 அக்டோபர் மாதம் லண்டன் கிங்-கிரஸ் ரயில் நிலையத்தில் டேவிட் பேர்ஜஸ் என்னும் (ஆணாக இருந்து பெண்ணாக மாறிய) சோனியா தற்கொலைசெய்துகொண்டார் என அறிவிக்கப்பட்டது. அவர் ஓடும் ரயிலின் முன்னால் விழுந்து தற்கொலைசெய்ததாக அறிவிக்கப்பட்டது. டேவிட் பேர்ஜய் என்னும் 63 வயதான நபர் தன்னை சத்திர சிகிச்சைக்கு உட்படுத்தியதன் மூலம் ஒரு பெண்ணாக மாறியிருந்தார். அவரை சோனியா என்று அழைப்பார்கள். சட்டவல்லுனரான சோனியா பல தமிழர்களுக்கு உதவியும் உள்ளார். இவர் விடுதலைப் புலிகளின் தீவிர ஆதரவாளர் என சிங்கள அரசு திட்டமிட்ட பல பரப்புரைகளையும் முன்னர் மேற்கொண்டு இருந்தது. லண்டன் வாழ் ஈழத் தமிழர்கள் மத்தில் இவர் பிரபல்யமானவர். இவரின் மரணம் பலரை அதிர்ச்சியடையச் செய்தது என்றால் மிகையாகாது.

இவர் மரணம் தொடர்பாக ஆராய்ந்து வந்த மெட்ரோ பொலிடன் பொலிசார் தற்போது குற்றவாளியைக் கண்டுபிடித்துள்ளார்கள். குற்றவாளி வேறுயாரும் இல்லை இவருடன் கூடித் திரிந்த நண்பி என்று சொல்லப்படுகிறது. அவர் பெயர் செந்தூரன் கனகசிங்கம் ஆகும். 35 வயதான இந்த ஈழத் தமிழ் இளைஞன் சோனியா செய்தது போல தன்னையும் சத்திர சிகிச்சை மூலம் ஒரு பெண்ணாக மாற்றியுள்ளான். இதன் பின்னர் சம்பவ தினத்தன்று செந்தூரன் சோனியாவை கிங்-கிராஸ் ரயில்வே நிலையத்தில் சந்தித்துள்ளார். யாரும் அவதானிக்காதவேளை சோனியாவை செந்தூரன் ரயில் பாதையில் தள்ளியுள்ளார். மிகவேகமாக வந்த ரயில் அவர்மேல் மோதியுள்ளது. இதனை எவரும் அவதானிக்கவில்லை என்பதே பெரும் வியப்பாகும்.

ஆனால் பிரித்தானியப் பொலிசார் சும்மா விடுவார்களா ? பாதுகாப்புக் கமரா புற ஊதாக் கதிகர்களைக் கொண்டு இயங்கும் கமரா மற்றும் சி.சி.TV கமராக்களைப் பார்த்து குற்றவாளியைக் கண்டு பிடித்தாலும் அவர் தான் சோனியாவை தள்ளிவிட்டார் என்ற சரியான ஆதாரங்கள் இல்லாமல் அவர்கள் திணறியுள்ளனர். ஆனால் இறுதியில் செந்தூரன் தனது குற்றத்தை தாமே ஒப்புக்கொண்டுள்ளார். செந்தூரன் மனநோயால் பாதிக்கப்பட்டுள்ளார் என்றும், அவர் சோனியாவைக் கொலைசெய்த நேரத்தில் மன அழுத்தத்திற்கான மாத்திரைகளை அவர் உட்கொண்டு வந்ததாகவும் சொல்லப்படுகிறது. ஆனால் இப்போது தேறிவிட்டதாகவும் சொல்லப்படுகிறது. இதனை அடுத்து அவருக்கு 7 வருட சிறைத்தண்டனை வழங்கி நீதிபதி தீர்ப்பளித்துள்ளார்.

அதிர்வு