இதேவேளை நாடுகடந்த தமிழீழ அரசாங்கத்தின் பாராளுமன்ற அமர்விற்கு முன்நிகழ்வாக, பிரித்தானியப் பாராளுமன்றத்தில் நவம்பர் 29ம் நாள் புதன்கிழமை மாநாடொன்றும் இடம்பெறுகின்றது.

ஈழத் தமிழர் தாயகத்தில் சிறிலங்கா அரசால் மேற்கொள்ளப்படும் அமைப்பியல் இனப்படுகொலை, குடியேற்றங்கள், இராணுவ ஆக்கிரமிப்பு, சட்டத்துக்குப் புறப்பான கடத்தல்கள் மற்றும் கொலைகள், பாலியல்ரீதியான துன்புறுத்தல்கள் ஆகியவற்றினைக் கருத்தில் கொண்டு உடனடியாக ஈழத்தில் தமிழ் மக்களின் பாதுகாப்பிற்காகவும், தமிழ் இனத்தின் அடையாளத்தைப் பேணுவதற்காகவும், அனைத்துலக பாதுகாப்பு பொறிமுறையினை அமைத்துக் கொள்வது குறித்தும், ஐநா வின் உள்ளக மீளாய்வுக் குழுவின் அறிக்கை வழியே சிறிலங்கா தொடர்பில் அனைத்துலக ஆணையம் ஒன்று நிறுவப்பட வேண்டிய அவசியம் குறித்தும் இந்த மாநாட்டில் விவாதிக்கப்படவுள்ளன.

நாடுகடந்த தமிழீழ அரசாங்கத்தின் பாராளுமன்ற அமர்வினை உலகத் தமிழர்கள் இணைய வழியூடகங்கள் ஊடாக நேரடியாக காணுவதற்கான ஏற்பாடுகளும் மேற்கொள்ளப்பட்டுள்ளன.