வாயுலிங்கேஸ்வரர் மற்றும் ஞானபிரசன்னாம்பிகா சன்னதியில் சிறப்பு பூஜை செய்தார். சுவாமிக்கு ருத்ர அபிஷேகம் நடத்தினார். பின்னர் ராகுகேது பரிகார யாக பூஜையில் பங்கேற்றார். கோவில் மண்டபத்தில் பெரிய கோலமிட்டு அதில் கார்த்திகை தீபம் ஏற்றினார்.
காலையில் இருந்து மதியம் வரை கோவிலில் தங்கி இருந்தார். ரோஜாவுக்கு கோவில் சார்பில் பிரசாதம் வழங்கப்பட்டது. தனது வழிபாடு குறித்து நடிகை ரோஜா கூறியதாவது:-
ராஜசேகர் ரெட்டி மறைவுக்கு பிறகு அவரது குடும்பத்தினர் பல தொல்லை களுக்கும், கஷ்டங்களுக்கும் ஆளாகி உள்ளனர். மக்களுக்கு நல்லது செய்வதை தவிர அவரது குடும்பத்தினர் வேறு எதுவும் செய்ய வில்லை. அப்படி இருக்க ராஜசேகர ரெட்டி மகன் ஜெகன் மோகன் ரெட்டியை கைது செய்து சிறையில் அடைத்து உள்ளனர்.
அவர் விடுதலையாகவும், ஜெகன் மோகன் ரெட்டி ஆட்சி மலரவும் காளகஸ்தி கோவிலில் அவரது பெயரில் அர்ச்சனை மற்றும் சிறப்பு பூஜை செய்தேன் என்றார்.
0 Responses to கட்சித் தலைவர் விடுதலையாக சிறப்பு பூஜை செய்த நடிகை!