கேரள மாநிலம்,
பாலக்காட்டைச் சேர்ந்த கட்டடத் தொழிலாளி ஆனந்தகுட்டன் வயது-33. இவர் சில
தினங்களுக்கு முன் தாராபுரத்தை அடுத்த தாசப்பட்டி என்ற இடத்தில் சாலை
ஓரத்தில் மர்மமான முறையில் கொலை செய்யப்பட்டார்.
சடலத்தைக்
கைப்பற்றிய தாராபுரம் போலீஸார் வழக்கு பதிந்து விசாரனை நடத்தி வந்தானர்.
இதில் ஆனந்தகுட்டனுக்கும், திருப்பூர் மாவட்டம் அவிநாசியைச் சேர்ந்த அவரது
உறவினர் மகள் சத்யா வயது-23, என்பவருக்கும் திருமணம் செய்ய நிச்சயம்
செய்யப்பட்டுள்ளது தெரியவந்தது.
இந்நிலையில்,
பட்டதாரியான சத்யா, திருப்பூரைச் சேர்ந்த ஆட்டோ ஓட்டுநர் மணிகண்டன்
வயது-26, என்பவரை காதலித்து வந்துள்ளார். ஆனந்தகுட்டனை திருமணம் செய்ய
தன்னுடைய குடும்பத்தார் நிச்சயம் செய்துள்ளது குறித்து காதலன் மணிகண்டனிடம்
சத்யா கூறியுள்ளார்.
இதில்
ஆத்திரமடைந்த மணிகண்டன் தனது நண்பர்களான சதீஷ்குமார் வயது-21, ஜெய்சங்கர்
வயது-21, விவேகானந்தன் வயது-21 ஆகியோரிடம் இதுகுறித்து தகவல்
தெரிவித்துள்ளார். இந்த மூவரும் அப்பகுதியில் உள்ள கல்லூரியில் முதலாமாண்டு
படித்து வருகின்றனர்.
இவர்களுடன்,
10-ஆம் வகுப்பு படிக்கும் மாணவனான ரஞ்சித்குமாரும் வயது-16 என்பவரும்
சேர்ந்து சரக்கு சாப்பிட்ட படியே ஆனந்தகுட்டனை ஆட்டோவில் அழைத்துக் கொண்டு
தாராபுரம் பகுதிக்கு சென்றுள்ளனர். அங்கு ஆள் நடமாட்டம் இல்லாத ஒரு
இடத்தில் ஆனந்த குட்டனை கொலை செய்தது தெரியவந்தது.
இதையடுத்து,
சத்யா அவரது காதலன் மணிகண்டன் உள்பட 6 பேரையும் தாராபுரம் டி.எஸ்.பி
இளங்கோவன் தலைமையிலான போலீஸார் கைது செய்தனர். தாராபுரம் குற்றவியல்
நீதிமன்றத்தில் ஆஜர்படுத்தப்பட்ட பின்னர், அனைவரும் சிறையில்
அடைக்கப்பட்டனர்.
0 Responses to இளைஞர் கொலை : இளம் பெண், பள்ளி, கல்லூரி மாணவர்கள் கைது