அகவை 59காணும் எங்கள் தமிழீழ தேசியத்தலைவர் அவர்களுக்கு பிறந்த நாள் வாழ்த்துக்கள்.

வளமெல்லாம் நிறைந்த தமிழீழ மண்ணில் எமை
வாழ வைக்க வந்துதித்த தலைவா வாழி
உளமதனில் துயர் மிகுந்த தமிழர் வாழ்வில்
உறுதிதனை ஊட்டிவிட்ட தலைவா வாழி
பகையதனை நம் மண்ணில் துரத்திடவே
படை நடத்தி பல வெற்றி தந்தாய் வாழி
மிகையான போர்ப் பலத்தை எமக்குத்தந்து
மீதுயர்ந்த மதிப்பினை தந்தோய் வாழி..

அரசியலில் மதிநுட்பமிக்கவரே உலக
அரங்கத்தில் எமை உயர்தி வைத்தவரே
தரணிதனில் உம் தலைமை கிடைத்தாலே
தமிழர் எம் குனிந்த தலை நிமிர்ந்ததையா..

போர்க்கலைக்கு புதுவடிவம் கொடுத்தவரே
போர்நடத்திப் புதுப்பரணி படைத்தவரே
பாரதனில் தமிழினத்தின் மானம் காத்த
பைந்தமிழின் காவலனே நீடுவாழி..

ஆலம் கழுத்தனில் அணியாக கொண்டவரே
காலம் எமக்களித்த கற்பகமே அற்புதமே
ஞாலமெங்கும் உள்ளோருமை நாடிவருகின்ற
காலமடை கண்டு மனம் மகிழ்வுடனே வாழ்த்துதையா.

தாயகத்தை அமைத்திடவே நீடு வாழி
தாய் மொழியை காத்திடவே நீடுவாழி
தன்மானம் மிக்கவரே நீடுவாழி
தமிழினத்தின் காவலனே நீடு வாழி

கீழ்கரவை
கி.சிவனேசன்.