பெங்களூரை சேர்ந்த கல்லூரி மாணவர் ஒருவர் சென்னை விமான நிலையத்தில் பையில் துப்பாக்கி குண்டுடன் பிடிபட்டு இருக்கிறார்.

இன்று காலைதான் சென்னை வந்த இந்த கல்லூரி மாணவர் விமானம் மூலம் அந்தமான் செல்ல, சென்னை விமான நிலையத்துக்கு வந்த போது, அவர் பையை போலீசார் சோதனையிட்டனர். சோதனையில் அவரது பையில் துப்பாக்கி குண்டு இருந்தது கண்டுபிடிக்கப் பட்டு உள்ளதாக தகவல் வெளியாகி உள்ளது.

ஹர்பத்ஷா என்கிற 22 வயதேயான கல்லூரி மாணவரின் பையில் துப்பாக்கி குண்டு வந்தது எப்படி என்று போலீசார் தீவிர விசாரணையில் ஈடுபட்டு உள்ளனர். குடியரசுத் தினத்தை முன்னிட்டு விமான நிலையங்களில் பாதுகாப்பு அதிகரிக்கப் பட்டு உள்ளதை அடுத்து, கல்லூரி மாணவரின் பையில் குண்டு கண்டு பிடிக்கப் பட்டது சர்ச்சையை கிளப்பி உள்ளது.