கொழும்பிலிருந்து யாழ்ப்பாணத்தை நோக்கி பயணித்த சொகுசுப் பேரூந்தொன்று இன்று வியாழக்கிழமை அதிகாலை 04.30 மணியளவில் வவுனியா கனகராயன்குளம் பகுதியில் தீப்பிடித்து எரிந்தது. ஆனாலும், பேரூந்தில் பயணித்த பயணிகள் எந்தவித பாதிப்புமின்றி தப்பினர்.

கொழும்பிலிருந்து யாழ்ப்பாணம் நோக்கிய பயணப்பாதையில் நாள் தோறும் இரவு நேரங்களில் இருபதுக்கும் அதிகமான சொகுசுப் பேரூந்துகள் பயணிகள் சேவையில் ஈடுபடுகின்றன. அவ்வாறு பயணிகள் சேவையில் ஈடுபட்ட பேரூந்தொன்றே எரிந்துள்ளது.

சம்பவ நேரத்தில் பேரூந்தினுள் 50 பயணிகள் இருந்துள்ளதாகவும், ஆனாலும், பேரூந்து தீப்பிடித்ததைத் தொடர்ந்து அவர்கள் விரைவாக வெளியேறியதால் உயிர்ச்சேதங்கள் தவிர்க்கப்பட்டுள்ளதாகவும் வவுனியா பொலிஸார் தெரிவித்துள்ளார். எனினும், பயணிகளின் உடமைகள் பேரூந்தோடு சேர்ந்து முற்றாக எரிந்து நாசமாகியுள்ளது.

கொழும்பு- யாழ் சேவையில் ஈடுபட்ட மற்றொரு பேரூந்து அண்மையில் தீப்பிடித்து எரிந்தது. ஆனாலும், அது உடனடியாக அணைக்கப்பட்டு சேதங்கள் அதிகமின்றி தவிர்க்கப்பட்டது சுட்டிக்காட்டத்தக்கது.

4tamilmedia