சென்னையில் கைது செய்யப்பட பாகிஸ்தான் உளவாளி ஜாகீர் உசேனுக்கும், சென்னை சென்ட்ரல் ரயில் நிலைய குண்டுவெடிப்புக்கும் தொடர்புள்ளதா என்கிற கோணத்தில் விசாரணை நடைபெற்று வருவதாகத் தகவல் வெளியாகியுள்ளது.

கடந்த வாரம் பாகிஸ்தான் உளவாளி என்று சந்தேகிக்கப்படும் ஜாகீர் உசேனை போலீசார் சென்னை திருவல்லிக்கேணியில் கைது செய்தனர். இவரைக் கைது செய்த இரண்டு நாட்களில் சென்னை சென்ட்ரல் ரயில் நிலையத்தில் இரட்டை குண்டுவெடிப்பு சம்பவம் நிகழ்ந்தது. இதனையடுத்து கியூ பிரிவு போலீசார் நீதிமன்றக் காவலில் இருக்கும் ஜாகீர் உசேனை விசாரிக்க வேண்டும் என்று, நீதிமன்றத்தில் அனுமதி கேட்டிருந்தனர்.

நேற்று மதியம் நீதிமன்றத்திற்கு கொண்டுவரப்பட்ட ஜாகீர் உசேனை கியூப் பிரிவுப் போலீசார் காவலில் எடுத்து விசாரிக்க அனுமதி வழங்கியது நீதிமன்றம். இதனையடுத்து ஜாகீர் உசேனுக்கு மருத்துவ சோதனை செய்யப்பட்டது. பின்னர் கியூப் பிரிவு  போலீசார் தங்களது காவலில் எடுத்தனர். அவர்கள் உசேனிடம் விடிய விடிய விசாரணை நடத்தியதாகத் தெரிய வருகிறது.கியூப் பிரிவு போலீசார் உசேனை 3 நாள் காவலில் எடுத்துள்ளதால், இவரிடம் விசாரணைத் தொடரும் என்றும் தெரிய வருகிறது.