விடுதலைப் புலிகளுடனான யுத்தத்தில் 75 சதவீதத்தை நானே வெற்றிகொண்டேன் என்று முன்னாள் ஜனாதிபதி சந்திரிகா பண்டாரநாயக்க குமாரதுங்க கூறியுள்ளார்.

மாத்தறையில் இடம்பெற்ற, எதிரணியின் தேர்தல் பிரசாரக் கூட்டத்தின் போதே அவர் இதனைக் தெரிவித்துள்ளார்.

தமிழீழ விடுதலைப் புலிகளுடனான யுத்தத்தில் 75 வீதத்தை நானே வெற்றிகொண்டேன். நாங்கள் விட்டுவைத்த மிகுதி 25 வீதத்தையே ராஜபக்ச அரசாங்கம் வெற்றிகொண்டது. அதுவும் சரத்பொன்சேகாவின் வெற்றி அது. இந்த யுத்த வெற்றி எங்களது. என்னவாக இருந்தாலும் யுத்தம் முடியும் போது, நாட்டின் பாதுகாப்பு அமைச்சராக இருந்தவர் மைத்திரிபால சிறிசேனவே' என சந்திரிகா குமாரதுங்க எதிரணிகளின் தேர்தல் பரப்புரைக்கூட்டத்தில் மேலும் கருத்து வெளியிட்டுள்ளார்.