மஹிந்த ராஜபக்ஷவை ஆதரித்து ஐக்கிய மக்கள் சுதந்திரக் கூட்டமைப்பின் தேர்தல் பிரச்சாரக் கூட்டங்களில் இந்திய நடிகர் சல்மான் கான் கலந்து கொண்டு வாக்கு கேட்கின்றார்.

அவரோடு, இலங்கையைப் பூர்வீகமாகக் கொண்ட இந்தியத் திரைப்பட நடிகையான ஜக்குலீன் பெர்ணான்டஸூம் தேர்தல் பிரச்சாரக் கூட்டங்களில் பங்கெடுக்கின்றார்.

பொரளையின் இன்று திங்கட்கிழமை இடம்பெறும் ஜனாதிபதி மஹிந்த ராஜபக்ஷவுக்கு ஆதரவான தேர்தல் பிரச்சாரக் கூட்டத்தில் சல்மான் கானும், ஜக்குலீன் பெர்ணான்டஸூம் கலந்து கொண்டுள்ளனர். அவர்களின் தேர்தல் பிரச்சார நடவடிக்கைகள் எதிர்வரும் நாட்களிலும் தொடரவுள்ளது.

இதனிடையே, தேர்தல் பிரச்சாரக் கூட்டத்தில் கலந்து கொள்வதற்காக சல்மான் கான் என்ன வீசாவில் வந்தார் என்பது தொடர்பில் கேள்வியெழுப்பப்படுகின்றது. சுற்றுலா வீசாவில் வருபவர்கள் அரசியல் நடவடிக்கைகளில் ஈடுபட முடியாது என்பது குறிப்பிடத்தக்கது.

படங்கள் இணைப்பு....