தூக்குத் தண்டனையை திரும்ப கொண்டு வருவதால் எதுவும் மாற்றம் நிகழப் போவதில்லை என்று ஐநா சபையின் செயலர் பான் கீ மூன் கூறியுள்ளார்.

 பாகிஸ்தானில் தீவிரவாதிகள் ராணுவ பள்ளியில் தாக்குதல் நடத்தியதில் அதிர்ந்து போனது பாகிஸ்தான் அரசு. தீவிரவாதிகளை அறவே ஒழித்துக் கட்ட வேண்டும் என்று கங்கணம் கட்டிக்கொண்டு செயல்பட்டு கொண்டிருக்கும் பாகிஸ்தான் பிரதமர், முதல் நடவடிக்கையாக அந்நாட்டில் தூக்குத் தண்டனை ரத்து எனும் சட்டத்தை ரத்து செய்தார். அடுத்து உடனடியாக இரண்டு தூக்குத் தண்டனை கைதிகளுக்கு தூக்கு விதிக்கப்பட்டது.

இப்போது விமானத் தாக்குதல்கள் மூலம் பாகிஸ்தான் ராணுவம் தீவிரவாதிகளை அழித்து வருகிறது. இதுவரை தீவிரவாதத் தலைவன் உட்பட 22 பேர் உயிரிழந்துள்ளனர் என்றும் அந்நாட்டுத் தகவல்கள் தெரிவிக்கின்றன. சிறையில் இருக்கும் தீவிரவாதிகளையும் உடனடியாக அடுத்தடுத்து தூக்கில் போட பாகிஸ்தான் திட்டமிட்டுள்ள நிலையில் மரணத் தண்டனை ரத்து என்று இருந்த சட்டத்தை ரத்து செய்து திரும்ப தூக்குத் தண்டனையை கொண்டு வருவதால் எதுவும் மாற்றம் நிகழ்ந்துவிடப் போவதில்லை என்று ஐநா செயலர் பான் கீ மூன் கூறியுள்ளார். அதோடு பாகிஸ்தான் மரண தண்டனை ரத்து என்றும் சட்டத்தை மீண்டும் கொண்டுவர வேண்டும் என்றும் கோரிக்கை வைத்துள்ளார்.