திருக்கணித பஞ்சாங்க கணிதர் காலபூஷணம் சி.சிதம்பரநாதக் குருக்கள் இன்று ஞாயிற்றுக்கிழமை காலை 05.00 மணியளவில் காலமானார்.

சுகவீனமுற்றிருந்த நிலையில் யாழ் போதனா வைத்தியசாலையில் அனுமதிக்கப்பட்டிருந்த அவர், தனது 80வது வயதில் காலமானார். யாழ் தென்மராட்சியில் 18.12.1935இல் பிறந்த அவர், பல ஆலயங்களில் பிரதம குருவாக இருந்தவர்.

அத்தோடு, மட்டுவிலில் இருந்து வெளிவரும் திருக்கணித பஞ்சாங்கத்தின் பிரதம ஆசிரியராகவும் இருந்தார். வேதாகம சோதிட பூஷணம், சிவாச்சாரிய திலகம், கலாபூஷணம் முதலிய கௌரவப் பட்டங்களையும் அவர் பெற்றுள்ளார்.