உடுமலைப் பேட்டை இளைஞர் சங்கர் கொலை வழக்கில் அனைவரும் கைது செய்யப்பட்டு உள்ளனர் என்று திருப்பூர் எஸ்.பி.தகவல் தெரிவித்துள்ளார்.

நேற்று முன்தினம் கலப்புத் திருமணம் செய்துக்கொண்ட தலித் இளைஞர் சங்கர் வேற்று இனத்தைச் சேர்ந்த அவரது மனைவி கவுசல்யா இருவரையும் உடுமலைப் பேட்டை பேருந்து நிலையத்தில் பட்டப்பகலில் மர்ம கும்பல் ஒன்று அரிவாளால் சரமாரியாக வெட்டினர்.இதில் மருத்துவ மனைக்குக் கொண்டு வரும் வழியிலேயே சங்கர் உயிரிழந்தார். கவுசல்யா கோவை மருத்துவமனையில் சிகிச்சைப் பெற்று
வருகிறார்.

இவர்களை வெட்டியவர்கள் கவுசல்யா வீட்டினர் என்கிற புகாரின் அடிப்படையில் போலீசார் கண்காணிப்புக் கேமிரவில் பதிவான காட்சிகளை வைத்து தேடி வந்தனர். இந்நிலையில் கவுசல்யாவின் தந்தை நிலக்கோட்டை நீதிமன்றத்தில் சரண் அடைந்தார். அடுத்து கொலையாளிகள் மூவர் அவர்களுக்கு தஞ்சம் அளித்த நண்பர் ஒருவர் என்று 4 பேரையும்போலீசார் கைது செய்துள்ளனர் என்று தகவல் வெளியிட்டுள்ள திருப்பூர் அசோக்குமார் தாக்கூர் என்கிற எஸ்.பி, தொடர்படைய அனைவரும் கைது செய்யப்பட்டு உள்ளனர் என்றும், விரைவில் விசாரிக்கப்பட்டு நீதிமன்றத்தில் ஆஜர்படுத்தப் படுவார்கள் என்றும் கூறியுள்ளார்.