இலங்கையின் தெற்கு கடற்பரப்பில் வைத்து 101 கிலோக்கிராமுக்கும் அதிகமான ஹெரோயின் பறிமுதல் செய்யப்பட்டுள்ளதாக கடற்படை அறிவித்துள்ளது.

இந்தக் கடத்தலோடு சம்பந்தப்பட்ட 10 ஈரானியர்கள், ஒரு பாகிஸ்தானியர் உள்ளிட்ட 14 பேர் கைது செய்யப்பட்டுள்ளதாக கடற்படை பேச்சாளர் அக்ரம் அலவி தெரிவித்துள்ளார்.

கைப்பற்றப்பட்டுள்ள ஹெராயின் சந்தையில் பல மில்லியன் ரூபாய்கள் பெறுமதியானது என்றும், உளவுத்துறையினர் அளித்த தகவலின் அடைப்படையில் நடுக்கடலில் இந்தப் படகைத் தடுத்து போதைப் பொருளைக் கடற்படையினர் கைப்பற்றியதாகவும் அவர் குறிப்பிட்டுள்ளார்.